हॅलो महाराष्ट्र ऑनलाइन | शिवसेनेतून बंडखोरी केलेले एकनाथ शिंदे यांनी मनसे अध्यक्ष राज ठाकरे यांच्याशी मोबाईल वरुन संपर्क साधल्याची माहिती समोर येत आहे. राज्यातील सध्याच्या घडामोडींच्या पार्श्वभूमीवर एकनाथ शिंदे आणि राज ठाकरे यांच्यातील संवाद महत्त्वपूर्ण मानला जात आहे
शिवसेनेचे बंडखोर आमदार एकनाथ शिदे यांनी मनसे अध्यक्ष राज ठाकरे यांच्याशी दोनदा दूरध्वनीवरून चर्चा केली. शिंदे यांनी ठाकरे यांच्याशी महाराष्ट्रातील अलीकडील राजकीय परिस्थितीबद्दल बोलून त्यांच्या प्रकृतीची विचारपूस केली, अशी पुष्टी मनसेच्या एका नेत्याने केली.
Rebel Shiv Sena MLA Eknath Shide spoke to MNS chief Raj Thackeray over phone twice. Shinde spoke to Thackeray about the recent political situation in Maharashtra and enquired about his health, an MNS leader confirmed
— ANI (@ANI) June 27, 2022
दरम्यान, एकनाथ शिंदे यांच्या सोबत दोन तृतीयांश आमदारांचा गट जरी असला, तरी त्या गटाला अन्य कुठल्या तरी पक्षात विलीन होण्याशिवाय पर्याय नाही, अशी परिस्थिती निर्माण झाल्यामुळे बंडखोरांचा गट राज ठाकरे यांच्या मनसे मध्ये प्रवेश करू शकेल.
गेल्या काही दिवसांपासून राज ठाकरे यांनी भोंग्याच्या मुद्द्यावरून शिवसेनेला कोंडीत पकडले होते. तसेच भाजपशी राज ठाकरेंची जवळीक सुद्धा वाढलेली पाहायला मिळाले. याच सर्व पार्श्वभूमीवर आता बंडखोर शिंदे गट हे मनसे मध्ये विलीनीकरण करू शकतात. त्यामुळे आगामी काळात मोठी राजकीय उलथापालथ पाहायला मिळेल.