महाराष्ट्रात गेल्या आठवड्यापासून चांगला मुसळधार पाऊस पडताना दिसत आहे. पावसाळा सुरू झाला की सगळ्यांचे लक्ष निसर्गाकडे असतं. कारण निसर्गमध्ये फिरायला लोकांना खूप जायला आवडते. जर तुम्ही देखील या वीकेंडला जाण्याचा प्रयत्न करत असाल, तर आम्ही तुमच्यासाठी अशा एका पर्यटन स्थळाबाबत सांगणार आहोत. त्यामुळे तुम्हाला पावसाचा आनंद घेता येतो. निसर्गाचा देखील आनंद पूर्णपणे घेता येईल. मुंबई आणि पुण्यापासून हे ठिकाण अगदी काही तासांच्या अंतरावर आहे. या ठिकाणी गेल्यावर तुम्हाला नक्कीच स्वर्गाचा आनंद घेता येईल. या पर्यटन स्थळाबद्दल सविस्तर माहिती आपण जाणून घेऊया.
आज आपण ज्या ठिकाणाबद्दल जाणून घेणार आहोत ते ठिकाण आहे माथेरान. माथेरान हे महाराष्ट्रातील एक सुंदर असे हिल स्टेशन आहे. मुंबईपासून केवळ 100 किलोमीटर अंतरावर माथेरान आहे. तर आता तुम्ही माथेरानला फिरायला जाण्याचा प्लॅन करत असाल तर आपण त्याबद्दलची सगळी माहिती जाणून घेऊया.
मुंबई किंवा पुण्यात राहणाऱ्या लोकांना एका सुंदर ठिकाणी भेट द्यायची असेल, तर त्यांच्यासाठी माथेरान हा एक चांगला पर्याय असू शकतो. या ठिकाणी उन्हाळ्यात देखील अनेक लोक फिरण्यासाठी येतात. परंतु पावसाळ्यात या ठिकाणी खूप गर्दी असते. आणि वातावरण देखील खूप चांगले असते. माथेरानमध्ये तुम्हाला अनेक धबधबे पाहायला मिळतील. त्याचप्रमाणे निसर्ग आणि धुक्यामध्ये वसलेले माथेरान पाहण्याचा अनुभव तुम्हाला घेता येईल.
माथेरानला कसे जायचे ?
माथेरानला जाण्यासाठी सगळ्यात मस्त पर्याय म्हणजे लोकल ट्रेन. तुम्ही दादर ठाणे कल्याण येथून खोपोली किंवा कर्जतला जाणारी लोकल ट्रेन पकडू शकता. त्यानंतर तुम्ही नेरळ या स्थानकावर उतरायचे आणि नेरळमधून माथेरानला जाण्यासाठी टॅक्सी किंवा बस असतात त्याने तुम्ही प्रवास करू शकता.
माथेरानमध्ये प्रवेश शुल्क किती?
माथेरानला फिरायला जाण्यासाठी तिथे तुम्हाला काही शुल्क देखील भरावे लागते परंतु हे खूपच कमी आहे तुम्ही केवळ एका दिवसात देखील भेट देऊ शकता किंवा दोन दिवसही राहू शकता. येथे राहण्यासाठी चांगले हॉटेल्स देखील आहे जी तुम्हाला दीड हजार ते दोन हजार रुपयांपर्यंत मिळतात. येथे राहण्यासाठी तुम्हाला जास्त खर्च येत नाही.
माथेरानमध्ये भेट देण्यासाठी काही ठिकाणं
माथेरानमध्ये गेल्यावर तुम्हाला वेगवेगळे पोलीस देखील पाहायला मिळू शकतील यामध्ये मंकी पॉईंट पॉइंट, पॅनोरमा पॉइंट, शिवाजीचा जिना, शार्लोट लेक. येथे तुम्हाला टॉय ट्रेनचा आनंद देखील घेता येऊ शकतो. परंतु पावसाळ्यात ही ट्रेन बंद ठेवली जाते. तुम्ही घोड्यावरून सवारी देखील करू शकता. आणि येथील दृश्यांचा आनंद घेऊ शकता.