हॅलो महाराष्ट्र ऑनलाईन । संपूर्ण जग सध्या कोरोना या साथीच्या रोगाशी लढा देत आहे, प्रत्येक देश या साथीतून लवकरात लवकर मुक्त होण्यासाठी प्रयत्न करीत आहे, परंतु अद्यापही या रोगावर कोणतीही लस उपलब्ध झालेली नाही, अशा परिस्थितीत सावधगिरी बाळगणेच आवश्यक आहे असे सर्वांना सांगितले जात आहे. म्हणूनच, आपणही सावधगिरी बाळगून या रोगापासून दूर रहावे आणि घराबाहेर पडताना मास्क घालूनच बाहेर पडले पाहिजे, परंतु जगातील काही देशांनी मास्क न वापरल्याबद्दल कठोर शिक्षेची तरतूद केलेली आहे.
कुवैत आणि कतारमध्ये जर एखादी व्यक्ती मास्क घालण्यास विसरला असेल तर त्याच्यावर तुरुंगवासाची शिक्षा तसेच चांगला दंडही ठोठावण्याचा निर्णय घेण्यात आला आहे. येथील आरोग्य मंत्रालयाच्या म्हणण्यानुसार दोषी आढळलेल्या व्यक्तीला साधारणपणे तीन महिन्यांसाठी तुरूंगवासाची शिक्षा दिली जाऊ शकते तर,कतारमध्ये यासाठी ३ वर्षांच्या तुरूंगवासाची शिक्षा ठेवण्यात आलेली आहे. इतकेच नव्हे तर कुवेतमध्ये कमाल दंड हा ५,००० दिनार (१६,२०० डॉलर्स) आहे तसेच कतारमध्ये हा दंड ३ पटीने जास्त आहे, म्हणजे २०,००० रियाल (५५,०००डॉलर किंवा ४२ लाख रुपये) आहे
.
संपूर्ण जग कोरोना विषाणूविरूद्ध लढत आहे
आखाती देशांमध्ये आत्तापर्यंत कोरोना विषाणूमुळे ६९३ मृत्यू झालेले आहेत, याव्यतिरिक्त १,३७,४०० हून अधिक संसर्ग झाल्याचे नोंदवले गेले आहे, भारताबद्दल बोलायचे झाल्यास भारतात गेल्या २४ तासात झाली आहे ५२४२ नवीन प्रकरणे समोर आली आहेत. देशातील कोविड -१९ मध्ये संक्रमित लोकांची संख्या वाढून ९६१६९ झाली आहे. कोरोना विषाणूमुळे केंद्र सरकारने देशभरात सुरु असलेला लॉकडाऊन ३१ मे पर्यंत वाढवला आहे. केंद्राच्या मार्गदर्शक सूचनांनुसार सर्व सामाजिक, राजकीय आणि धार्मिक कार्यक्रम हे ३१ मेपर्यंत बंद राहतील.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.