HDFC बँकेचे माजी एमडी आदित्य पुरी यांच्या कुटुंबीयांनी विकत घेतले 50 कोटींमध्ये आलिशान घर

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । एचडीएफसी बँक (HDFC Bank) चे माजी व्यवस्थापकीय संचालक आदित्य पुरी यांच्या कुटुंबीयांनी दक्षिण मुंबईतील मलबार हिलमध्ये 50 कोटी रुपयांचे आलिशान घर विकत घेतले आहे. मलबार हिल्स हे मुंबईतील अत्यंत पॉश क्षेत्र आहे आणि पुरी कुटुंबाचे नवीन घर हे राज्यपालांच्या निवासस्थानाजवळच आहे. पुरी कुटुंबाचे हे नवीन घर मलबार हिल्स येथील वाळकेश्वर मध्ये 22 मजली लोढ़ा सीमॉन्ट (Lodha Seamont) मध्ये 19 व्या मजल्यावर आहे. येथे आदित्य पुरी यांच्या अनिता पुरी आणि अभिनेत्री मुलगी अमृता पुरी यांनी सी-फेसिंग अपार्टमेंट खरेदी केले आहे. 4 बेडरूमच्या या अपार्टमेंटमध्ये 7 वाहने पार्क करण्यासाठी जागा असून त्याची बाल्कनी ही मुंबईच्या मरीन ड्राईव्ह आणि अरबी समुद्राच्या दिशेने आहे.

मुद्रांक शुल्कासाठी 1 कोटी खर्च
आदित्य पुरीच्या कुटुंबाचेने हे अपार्टमेंट 50 कोटीमध्ये खरेदी केले. Zapkey.com ने मिळवलेल्या घराच्या रजिस्ट्रेशनच्या आकडेवारीनुसार, ते खरेदी करण्यासाठी 1 कोटी रुपयांचे मुद्रांक शुल्क भरण्यात आले आहे. लोकल ब्रोकर्सनी Moneycontrol ला सांगितले की, पुरी यांच्या या घराचे कार्पेट क्षेत्र 3800 ते 4000 चौरस फूट असू शकते.

कोरोना विषाणूंमुळे विचलित होणाऱ्या रिअल इस्टेटला दिलासा देण्यासाठी महाराष्ट्र शासनाने 31 डिसेंबर 2020 पर्यंत घर खरेदीवरील मुद्रांक शुल्क 5% वरून 2% केले आहे. त्याच वेळी, 1 जानेवारी, 2021 पासून घर खरेदी केल्यावर 3% मुद्रांक शुल्क भरावे लागणार आहे. मुद्रांक शुल्कात 3% सूट मिळण्यासाठी लोक दक्षिण मुंबईत महागड्या आणि लक्झरी घरे खरेदी करीत आहेत. यामुळे मुंबईतील रिअल इस्टेट क्षेत्रात मोठा दिलासा मिळाला आहे.

लक्झरी अपार्टमेंटची विक्री वाढली
लोकल ब्रोकर्सनी सांगितले की, महाराष्ट्र सरकारने मुद्रांक शुल्कामध्ये कपात केल्याने आणि जीएसटीत 5% बचत झाल्यामुळे घर खरेदीदारांना 8% पर्यंत सूट मिळत आहे. यामुळे घर खरेदी करणार्‍यांना मोठा दिलासा मिळाला आहे. मुंबईत 35 कोटी ते 55 कोटी रुपयांच्या लक्झरी अपार्टमेंटची विक्री झाली आहे. वकील सीरिल श्रॉफ यांची मुलगी आणि उद्योगपती गौतम अदानी यांची सून परिधि करन अदानीने वडिलांबरोबर मिळून 21 सप्टेंबर रोजी मुंबईच्या वरळी येथे 36.3 कोटी रुपयांचे घर विकत घेतले.

तसेच 29 सप्टेंबर रोजी वेस्ट प्रोजेक्टमध्ये 42.5 कोटी रुपयांचे घर बुक केले गेले. त्याच वेळी, 18 सप्टेंबर रोजी वरळीच्या इंडियाबुल्स ब्लू प्रोजेक्टमध्ये 45 कोटी रुपयांच्या घराचे रजिस्ट्रेशन झाले. याशिवाय मलबार हिलच्या रनवल (Runwal) प्रोजेक्टमध्ये 54 कोटी रुपयांच्या घराचे रजिस्ट्रेशन झाले आहे.

पुरी सर्वात पगाराची बँकर होती
एचडीएफसी बँकेचे माजी MD आदित्य पुरी हे अमेरिकन बेस्ड ग्लोबल इनवेस्टमेंट फर्म कार्लाइल ग्रुप (Carlyle Group) शी वरिष्ठ सल्लागार म्हणून जोडलेले आहेत. ते कंपनीला संपूर्ण आशियामध्ये गुंतवणूकीच्या संधींचा सल्ला देतात. आदित्य पुरी यांचे नाव सर्वाधिक पगार असलेल्या बॅकर्सच्या यादीत समाविष्ट झाले. सन 2019-20 मध्ये त्यांना पगार आणि भत्ते म्हणून 18.92 कोटी रुपये मिळाले. तसेच, स्टॉक ऑप्शन्समधून त्यांनी आणखी 161.56 कोटी रुपये कमावले. यावर्षी आदित्य पुरी यांनी एचडीएफसी बँकेत 842 कोटी शेअर्सची विक्री केली आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

Leave a Comment