पुणे : हॅलो महाराष्ट्र – पुण्यामध्ये एक धक्कादायक घटना उघडकीस आली आहे. यामध्ये आरोपी हा उत्तर प्रदेशमधील चित्रकूट येथील रहिवाशी आहे. तो पुण्यातील पुण्यातील एका बांधकाम साईटवर सुपरवायझर म्हणून काम करत होता. त्याच्या बायकोचे निधन झाल्यानंतर तो आपल्या दोन्ही मुलांना घेऊन पुण्यात राहण्यासाठी आला होता. या आरोपी नराधमाने तीन वर्षांपूर्वी आपल्या दोन्ही मुलांना घेऊन पुण्यात राहण्यासाठी आला होता. बापाकडून वारंवार होणारे अत्याचार सहन न झाल्याने तिने अखेर पोलीस ठाण्यात गेली.
यानंतर रडत असलेल्या मुलीला पोलिसांनी सामाजिक कार्यकर्त्या महिलेला बोलावून धीर दिला व तिच्याकडून माहिती घेतली. वडील माझ्यावर वारंवार बलात्कार करीत असल्याचे आणि याबाबत कोणाला माहिती दिली तर भावाला मारून टाकीन, अशी धमकी देत असल्याचे तिने यावेळी सांगितले. तसेच त्यांनी भावासमोर सुद्धा हे कृत्य केल्याचे मुलीने यावेळी सांगितले. यानंतर सामाजिक कार्यकर्त्या महिलेने दिलेल्या तक्रारीवरून आरोपी विरोधात भारती विद्यापीठ पोलिस ठाण्यात पोक्सो कायद्यांतर्गत गुन्हा दाखल करण्यात आला.
यानंतर आरोपीवरील गुन्हा सिद्ध करण्यासाठी फिर्यादी, मुलगी, डॉक्टर आणि तपासी अंमलदार यांची साक्ष घेण्यात आली. डॉक्टरांच्या साक्षीवरून मुलीवर वारंवार बलात्कार झाल्याचे सिद्ध झाले. यानंतर सरकारी वकील अरुंधती ब्रह्मे जर आरोपीला कमी शिक्षा दिली तर समाजात चुकीचा संदेश जाईल म्हणून त्याला जास्तीत जास्त शिक्षा देण्यात यावी असा युक्तिवाद केला. यानंतर न्यायालयाने आरोपीला मरेपर्यंत जन्मठेपेची शिक्षा सुनावली. तसेच 50 हजार रूपयांचा दंड ठोठावला. दंड न भरल्यास पाच वर्ष सक्तमजुरीची शिक्षा सुनावली आहे. पोलिस उपनिरीक्षक अश्विनी पाटील यांनी या गुन्ह्याचा अधिक तपास केला आहे.