अफगाणिस्तानात पहिला तालिबानी फतवा जारी, मुले आणि मुली एकत्र शिकू शकणार नाहीत

काबूल । तालिबानने आपला पहिला फतवा जारी केला आहे. खामा न्यूजने वृत्त दिले आहे की,” अफगाणिस्तानच्या हेरात प्रांतातील तालिबान अधिकाऱ्यांनी सरकारी आणि खाजगी विद्यापीठांना आदेश दिले आहेत की, यापुढे मुलींना मुलांसोबत एकाच वर्गात बसण्याची परवानगी दिली जाणार नाही.” विद्यापीठाचे व्याख्याते, खाजगी संस्थांचे मालक आणि तालिबानी अधिकारी यांच्यात तीन तास चाललेल्या बैठकीत असे म्हटले गेले की,” सह-शिक्षण चालू ठेवणे हा पर्याय आणि औचित्य नाही. तो रद्द केला पाहिजे. अफगाणिस्तानमध्ये सह-शिक्षण आणि विभक्त करण्याची एक मिक्स सिस्टीम आहे, ज्यामध्ये शाळा स्वतंत्र वर्ग आयोजित करतात, तर सह-शिक्षण देशभरातील सरकारी आणि खाजगी विद्यापीठे आणि संस्थांमध्ये लागू केले जाते.

हेरात प्रांतातील व्याख्यातांनी असा युक्तिवाद केला आहे की,” सरकारी विद्यापीठे आणि संस्था स्वतंत्रपणे वर्ग चालवू शकतात, परंतु खाजगी संस्था महिला विद्यार्थ्यांच्या मर्यादित संख्येमुळे स्वतंत्र वर्ग देऊ शकत नाहीत.” अफगाणिस्तानच्या इस्लामिक अमिरातीच्या उच्च शिक्षणाचे प्रमुख मुल्ला फरीद, जे हेरात येथील बैठकीत तालिबानचे प्रतिनिधित्व करत होते, म्हणाले की,”समाजातील सर्व वाईट गोष्टींचे मूळ व्यवस्था असल्याने सह-शिक्षण रद्द केले पाहिजे.”

फरीदने पर्याय म्हणून सुचवले की,” सद्गुण असलेल्या महिला व्याख्याते किंवा वृद्ध पुरुषांना महिला विद्यार्थ्यांना शिकवण्याची परवानगी आहे आणि सहशिक्षणाला पर्याय किंवा औचित्य नाही.” हेरातमधील व्याख्याते म्हणाले की,”खासगी संस्थांना स्वतंत्र वर्ग परवडत नसल्याने हजारो मुली उच्च शिक्षणापासून वंचित राहू शकतात. प्रांतात खाजगी आणि सरकारी विद्यापीठे आणि संस्थांमध्ये सुमारे 40,000 विद्यार्थी आणि 2,000 व्याख्याते आहेत.”