औरंगाबाद – कोरोना ची तिसरी लाट उंबरठ्यावर असून शहरातील वाढती कोरोना रुग्णांची संख्या लक्षात घेता सोमवारपासून पाच कोविड केअर सेंटर सुरू करण्यात येणार असल्याचे मनपा आरोग्य अधिकारी डॉ. पारस मंडलेचा यांनी सांगितले.
कोरोना पॉझिटिव्ह रुग्णांना घरीच राहून उपचार घ्यायचे असल्यास त्यांना होमआयसोलेशन साठी तातडीने आपल्या भागातील मनपा आरोग्य केंद्रातील डॉक्टरांशी संपर्क साधून नाव नोंदवावे लागणार आहे. यासाठी मनपाने वॉररूम तयार केली असून येथून होम आयसोलेशन मध्ये असलेल्या रुग्णांशी संपर्क साधून त्यांच्या तब्येतीची विचारपूस करण्यात येणार आहे. यासाठी वॉररूम मध्ये दहा डॉक्टरांची नियुक्ती करण्यात येणार आहे. डॉक्टर दिवसातून दोनवेळा होम आयसोलेशनमध्ये असलेल्या रुग्णांशी संपर्क साधून तब्येतीची विचारपूस करतील व गरज भासल्यास वैद्यकीय सेवेसाठी पुढील निर्णय घेतील. वॉररूमसाठी पाच दूरध्वनी सुरू करण्यात येणार आहेत.
कोविड केअर सेंटर व बेड –
किलेअर्क – 300 बेड
एमआयटीचे दोन वसतिगृह – 550 बेड
शासकीय अभियांत्रिकी वसतिगृह – 450 बेड
देवगिरी महाविद्यालयाचे वसतिगृह – 480 बेड
आयएचएम कॉलेजचे वसतिगृह – 80 बेड