नवी दिल्ली । बाजारात सतत गडबड असते आणि बँकांमध्ये ठेवलेल्या रकमेवर मिळणारे व्याजही अगदीच नाममात्र असते. अशा परिस्थितीत गुंतवणूकदारांसमोर त्यांचा कष्टाचा पैसा कुठे गुंतवायचा ज्याद्वारे त्यांचे पैसे सुरक्षितही राहतील आणि रिटर्नही योग्य मिळेल असा प्रश्न उभा राहतो.
तुम्ही कोणतीही जोखीम न घेता निश्चित उत्पन्नासह कर बचतीसाठी नवीन गुंतवणुकीचा पर्याय शोधत असाल तर बँकांची FD हा एक चांगला पर्याय असू शकतो. अशा अनेक खाजगी छोट्या बँका आहेत, ज्या इतर सरकारी बँकांच्या तुलनेत FD वर जास्त व्याज देत आहेत. या बँका 6.30 टक्क्यांपर्यंत व्याज देत आहेत.
RBL Bank FD Rate
खाजगी क्षेत्रातील RBL Bank व्याज दर तीन वर्षांच्या मुदत ठेवींवर 6.30 टक्के वार्षिक व्याज देत आहे. RBL बँक सर्व खाजगी बँकांमध्ये सर्वाधिक व्याज देत आहे. तुम्ही RBL बँकेत एक लाख रुपये जमा केल्यास तीन वर्षांनंतर तुम्हाला 1.21 रुपये मिळतील.
Yes Bank FD Rate
Yes Bank तीन वर्षांच्या FD वर वार्षिक 6.25 टक्के व्याज देत आहे. तुम्ही येस बँकेत तीन वर्षांसाठी एक लाख रुपये ठेवल्यास, मॅच्युरिटीवर तुम्हाला 1.20 लाख रुपये मिळतील. तुम्ही येस बँकेत 10,000 रुपयांपेक्षा कमी रकमेची FD सुरू करू शकता.
IndusInd Bank FD Rate
IndusInd Bank देखील सार्वजनिक क्षेत्रातील बँकांपेक्षा FD वर जास्त व्याज देत आहे. ही बँक FD वर 6% व्याज देत आहे. तीन वर्षांसाठी 1 लाख रुपयांच्या गुंतवणुकीवर, तुम्हाला मॅच्युरिटीवर 1.19 लाख रुपये मिळतील. इंडसइंड बँकेत 10,000 रुपयांसह FD खाते देखील उघडता येते.
Ujjivan Small Finance Bank
Ujjivan Small Finance Bank पाच वर्षांच्या एफडीवर 2 कोटी रुपयांपेक्षा कमी डिपॉझिट्सवर वार्षिक 6.25 टक्के व्याजदर देत आहे. बँकेचे हे व्याजदर 16 ऑगस्ट 2021 पासून लागू आहेत. यामध्ये ज्येष्ठ नागरिकांना 0.50 टक्के जास्त व्याज मिळणार आहे.