मुंबई । भारताचा परकीय चलन साठा नव्या विक्रमी पातळीवर पोहोचला आहे. खरं तर, 27 ऑगस्ट 2021 रोजी संपलेल्या आठवड्यात परकीय चलन साठा 16.663 अब्ज डॉलरने वाढून 633.558 अब्ज डॉलरच्या विक्रमी पातळीवर पोहोचला. भारतीय रिझर्व्ह बँक अर्थात आरबीआयने शुक्रवारी जारी केलेल्या आकडेवारीमध्ये ही माहिती देण्यात आली आहे.
यापूर्वी 20 ऑगस्ट 2021 रोजी संपलेल्या आठवड्यात परकीय चलन साठा 2.47 अब्ज डॉलरने घटून 616.895 अब्ज डॉलरवर आला होता. 13 ऑगस्ट 2021 रोजी संपलेल्या आठवड्यात परकीय चलन साठा 2.099 अब्ज डॉलरने घटून 619.365 अब्ज डॉलरवर आला. 6 ऑगस्टला संपलेल्या आठवड्यात परकीय चलन साठा 621.464 अब्ज डॉलरच्या विक्रमी पातळीवर पोहोचला होता.
परकीय चलन साठ्यात ही वाढ मुख्यत्वे SDR म्हणजेच स्पेशल ड्राइंग राइट (Special Drawing Rights) होल्डिंग वाढीमुळे झाली आहे, RBI ने म्हटले आहे की, रिपोर्टिंग वीकमध्ये भारताचा SDR वाटा $ 17.866 अब्ज वरून $ 19.407 अब्ज झाला आहे. आंतरराष्ट्रीय नाणेनिधी (IMF) बहुपक्षीय कर्ज देणाऱ्या एजन्सीमध्ये त्यांच्या सध्याच्या कोटाच्या प्रमाणात त्यांच्या सदस्यांना सामान्य SDR वाटप करते. SDR भागभांडवल हा देशाच्या परकीय चलन साठ्यातील घटकांपैकी एक आहे आणि तो खूप लक्षणीय आहे.
FCA $ 1.409 अब्ज खाली
परकीय चलन मालमत्ता म्हणजेच FCA (Foreign Currency Assets) हा परकीय चलन साठ्याचा एक महत्त्वाचा भाग आहे. रिपोर्टींग वीकमध्ये आठवड्यात, ते $ 1.409 अब्ज ने घटून $ 571.6 अब्ज झाले, जे एकूण साठ्याचा एक प्रमुख घटक आहे. डॉलरच्या संदर्भात व्यक्त केलेल्या SDR मध्ये परकीय चलन साठ्यात असलेल्या युरो, पाउंड आणि येन सारख्या इतर परकीय चलनांच्या मूल्यामध्ये वाढ किंवा कमी होण्याचा परिणाम देखील समाविष्ट आहे.
सोन्याचा साठाही वाढला
या दरम्यान, सोन्याचा साठा $ 19.2 कोटीने वाढून $ 37.441 अब्ज झाला. त्याच वेळी, IMF कडे देशाचा साठा 1.4 कोटीं ने वाढून $ 5.11 अब्ज झाला.