नवी दिल्ली । ब्रिटीश पंतप्रधान बोरिस जॉन्सन यांनी म्हटले आहे की,”ते अफगाणिस्तानच्या परिस्थितीवर चर्चा करण्यासाठी मंगळवारी G-7 नेत्यांची बैठक बोलावत आहेत. दोन दिवसांपूर्वी अमेरिकेचे अध्यक्ष जो बिडेन आणि बोरिस जॉन्सन यांनी अफगाणिस्तानमधील घडामोडींवर चर्चा करण्यासाठी G -7 देशांच्या बैठकीला सहमती दर्शविली.”
रविवारी, यूके पंतप्रधान म्हणाले की,” मी अफगाणिस्तानमधील परिस्थितीवर तातडीने चर्चा करण्यासाठी मंगळवारी G -7 देशांची बैठक बोलावणार आहे.” ते म्हणाले की,” अफगाणिस्तानमधील सध्याच्या परिस्थितीपासून आपल्या नागरिकांना सुरक्षित ठेवण्यासाठी सर्वांनी एकत्र येऊन काम करणे अत्यंत गरजेचे आहे.”
ते म्हणाले की,”मानवी समुदायावरील हे संकट टाळण्यासाठी आणि गेल्या 20 वर्षांमध्ये अफगाणिस्तानला मिळालेले फायदे कायम ठेवण्यासाठी आंतरराष्ट्रीय समुदायाने एकत्र काम केले पाहिजे.” याआधी शनिवारी ब्रिटीश पंतप्रधानांनीही तालिबानी सरकारसोबत काम करण्याचे संकेत दिले होते.
आपल्या निवेदनात त्यांनी म्हटले होते की,”ब्रिटन अफगाणिस्तानचा प्रश्न शांततेने सोडवण्यासाठी सतत राजनैतिक प्रयत्न करण्यात गुंतलेला आहे आणि अफगाणिस्तानात स्थिर सरकार असावे हा आमचा प्रयत्न आहे.” ते म्हणाले की,” आता संकटग्रस्त देशातील परिस्थिती पूर्वीपेक्षा चांगली होत आहे आणि आम्ही ब्रिटनमध्ये येण्यास पात्र असलेल्यांना परत आणण्याचे काम करत आहोत.”
जगातील सर्वात मजबूत अर्थव्यवस्था असलेले सात देश G-7 गटाचा भाग आहेत. भारत आणि ऑस्ट्रेलिया सारखे मजबूत देश या गटात समाविष्ट नाहीत. G-7 गटात अमेरिका, ब्रिटन, कॅनडा, जपान, इटली आणि जर्मनी यांचा समावेश आहे. पूर्वी रशिया देखील या गटाचा एक भाग होता परंतु 2014 मध्ये रशियाने युक्रेनच्या काळ्या समुद्राचा द्वीपकल्प क्रिमियाला जोडल्यानंतर त्याला काढून टाकण्यात आला.