जळगाव | वाढदिवसाच्या दिवशी प्रियसिने बोलण्यास नकार दिल्याने एका तरुणाने आत्महेत्या करण्याचा प्रयत्न केल्याची धक्कादायक घटना जळगाव येथील खानदेश मिल सेंटर परिसरात घडली आहे. गणेश पवार असे त्या मुलाचे नाव असून त्याचे एका मुलीवर प्रेम होते. ती वाढदिवसादिवशी बोलावलेक्या ठिकाणी आली नाही आणि बोलण्यास नकार दिला म्हणुन पवार यार याने आत्महत्या करण्याचा प्रयत्न केला.
हाती आलेल्या माहितीनुसार, गणेशचा आज वाढदिवस होता. वाढदिवसानिमित्त त्याने त्याच्या प्रेयसीला भेटायला बोलावले होते. मात्र ती त्याला भेटायला आली नाही. म्हणून गणेश ती काम करत असलेल्या बिग बजार मॉल मध्ये गेला. तेथे ती एका अज्ञात मुलाशी बोलताना गणेश ला आढळली. या घटनेचे गणेशला दुःख अनावर झाले आणि त्याने जीवन संपवण्याचा निर्णय घेतला. तो बिग बजारच्या तिसऱ्या मजल्यावर जाऊन जीव देण्याचा प्रयत्न करु लागला. हे पाहुण बघ्यांची मोठी गर्दी जमली. काय करावे ते कोणालाच समजत नव्हते. एका व्यक्तीने त्याला रोखण्याचा प्रयत्न केला आणि त्याला बोलण्यात गुंतवून ठेवले. तोपर्यंत दुसर्या कोणीतरी पोलिसांना बोलावून घेतले.
जळगाव पोलिसांनी चलाखीने गणेशला पकडून इमारतीच्या खाली आणले. गणेश पवार याला अटक करण्यात आलेली असून जळगाव पोलीस अधिकचा तपास करत आहेत.