नवी दिल्ली । मार्च 2022 ला संपणाऱ्या चालू आर्थिक वर्षात भारताचे सकल देशांतर्गत उत्पादन म्हणजेच GDP 9.2 टक्के राहण्याचा अंदाज सरकारने वर्तवला आहे. सरकारने जाहीर केलेला पहिला अंदाज दर्शवितो की, भारतीय अर्थव्यवस्था कोविड-19 च्या संकटातून बाहेर येत आहे आणि गती मिळवत आहे.
सांख्यिकी मंत्रालयाने जाहीर केलेला GDP वाढीचा अंदाज रिझर्व्ह बँक ऑफ इंडिया (RBI) च्या अंदाजापेक्षा कमी आहे. RBI ने 9.5 टक्के GDP वाढीचा अंदाज व्यक्त केला होता. सरकारने जाहीर केलेल्या आकडेवारीनुसार, आर्थिक वर्षाच्या दुसऱ्या तिमाहीत GDP 8.4 टक्क्यांनी वाढला आहे. अशा प्रकारे भारत सर्वात वेगाने वाढणाऱ्या मोठ्या अर्थव्यवस्थांपैकी एक बनला आहे.
काय आहे अंदाज
सांख्यिकी आणि कार्यक्रम अंमलबजावणीने एका निवेदनात म्हटले आहे की, 2021-22 मध्ये वास्तविक GDP किंवा कॉन्स्टंट प्राइस (2011-12) मध्ये GDP 147.54 कोटी रुपये असल्याचा अंदाज आहे. तर 31 मे 2021 रोजी जाहीर झालेल्या आर्थिक वर्ष 2020-21 साठी GDP चा तात्पुरता अंदाज 135.13 लाख कोटी रुपये होता. 2021-22 मध्ये वास्तविक GDP 9.2 टक्क्यांनी वाढण्याची अपेक्षा आहे, 2020-21 मध्ये 7.3 टक्क्यांनी घट झाली आहे. त्याच वेळी, 2021-22 मध्ये रिअल GVA 8.6 टक्क्यांच्या वाढीसह 135.22 लाख कोटी रुपये असल्याचा अंदाज आहे. जो 2020-21 मध्ये 124.53 लाख कोटी इतका होता