हॅलो महाराष्ट्र ऑनलाईन | आजकाल हवामानामध्ये अनेक प्रकारचे बदल होत असतात. त्यामुळे या सगळ्याचा परिणाम म्हणून भूगर्भातील पाणी पातळीवर याचा खूप परिणाम होत आहे. आणि भूगर्भातील पाणी पातळी देखील कमी कमी होत चाललेली आहे. आपल्या रोजच्या वापरातील गोड पाण्याच्या पातळीत घट होताना दिसत आहे. पृथ्वीवरचे हे पाणी जर संपले, तर मानव आणि प्राणी यांना जगण्यास खूप मोठी समस्या निर्माण होऊ शकते. त्यांच्या अस्तित्व नष्ट व्हायला जास्त वेळ देखील लागणार नाही. जर्मनी या सगळ्या गोष्टींवर नेहमीच काही ना काही प्रयत्न करत असते. अशातच आता जर्मनी या देशाने त्यांच्या देशात एका महाकाय विहिरी खोदण्यास सुरुवात केलेली आहे. परंतु या विहिरीत भारतातील विहिरींप्रमाणे नाही. त्या एका टाकीप्रमाणे दिसतात. एवढेच नाही तर त्यावर चांगली प्रक्रिया करून ते पाणी पिण्यायोग्य देखील बनवणार आहेत.
भारताप्रमाणे जर्मनीतील बर्लिन या ठिकाणी देखील नेहमीच दुष्काळग्रस्त परिस्थिती निर्माण होत असते. उन्हाळ्याच्या दिवसात येथील नागरिकांना पिण्याच्या पाण्याची समस्या देखील निर्माण होते. त्यामुळे या सगळ्या गोष्टींचा विचार करून आता प्रशासनाने मोठ्या विहिरींचे बांधकाम सुरू करण्यास सुरुवात केलेली आहे. जर असे केले तरच पावसाच्या पाण्याद्वारे भूगर्भातील पाण्याची पातळी वाढेल असे देखील तज्ञांचे मत आहे.
जर्मनीतील या विहिरीत भारतातील सामान्य विहिरींपेक्षा खूप वेगळे आहेत. त्या एका टाकी प्रमाणे आहेत. यामुळे तुम्ही पाणी साठवून ठेवू शकता आणि त्यात आपोआप प्रक्रिया केली जाईल. आणि ते पाणी पिणे योग्य होईल. 2026 पर्यंत जर्मनीचे सर्वात मोठे खोरे निर्माण होईल. यामध्ये जवळपास 17 हजार घनमीटर एवढे पाणी देखील जमा होऊ शकते.
भारतामध्ये कधी अतिवृष्टी होते तर कधी अगदीच दुष्काळ पडतो. जर कोरडा दुष्काळ पडला तर उन्हाळ्यामध्ये तसेच इतर ऋतूंमध्ये देखील पिण्याच्या पाण्याची समस्या निर्माण होते. अशावेळी तुम्ही पाणी साठवून ठेवणे खूप गरजेचे आहे. त्यामुळे पाण्याच्या पातळीत देखील वाढ होईल. आणि उन्हाळ्यात पिण्याच्या पाण्याच्या समस्या देखील निर्माण होणार नाही. भारत सरकारने देखील अशा काही प्रकारच्या गोष्टी सुरू केल्या, तर भारतातील भूगर्भ पाणी पातळीत नक्कीच वाढ होईल