मालेगाव | पोलीसांनी अंत्यविधीच्या कार्यक्रमात अचानक धाड टाकुन तरुणीचा मृतदेह ताब्यात घेण्याचा प्रकार मालेगाव येथे घडला. अनैतिक संबंधाच्या संशयाने आईवडिलांनीच आपल्या मुलीची हत्या केल्याच्या संशयाने पोलीसांनी सदर कारवाई केली आहे.
हाती आलेल्या माहीतीनुसार, मुलीचा मृत्यु झाल्यानंतर तिच्या आई वडीलांनी अंत्यसंस्कार करण्यासाठी तिचा मृतदेह चितेवर ठेवलेला असताना पोलिसांनी अमरधाममध्ये अचानक धाढ टाकली. यावेळी पोलीसांनी मृत तरुणीचा मृतदेह शवविच्छेदनासाठी ताब्यात घेतला. मालेगावमध्ये वाढदिवसाच्या दिवशी मुलीची तिच्याच आईवडिलांनी हत्या केल्याची खळबळजनक घटना उघडकिस आली. या घटनेत अनैतिक संबंधाचा संशय असून नेहाची तिच्या जन्मदात्यांनीच चुलत भावाच्या मदतीने गळा दाबून हत्या करण्यात आल्याचे समजत आहे. मात्र हा सर्व प्रकार उघड होण्यापूर्वी नाट्यमय घडामोडी घडल्या. एका निवानी फोन कॉलवरून पोलिसांना तिच्या संशयास्पद मृत्यूची माहिती मिळाली होती. यानंतर तिचा मृतदेह चितेवरून ताब्यात घेण्यात आला.
याप्रकरणी मालेगाव पोलीस ठाण्यामध्ये गुन्हा नोंदविला असून या याप्रकरणी नेहाचे आई-वडील आणि तिच्या चुलत भावाला पोलिसांनी अटक केली आहे. या घटनेमुळे परिसरात खळबळ माजली आहे.