नवी दिल्ली । सोन्याच्या चांदीच्या भावात आजही घट दिसून आली आहे. मल्टी कमोडिटी एक्सचेंज (Multi commodity exchnage) वर गुरुवारी फेब्रुवारीचा फ्यूचर ट्रेड 350 रुपयांनी घसरून 47,400 रुपयांवर बंद झाला. त्याशिवाय चांदीचा फ्यूचर ट्रेड 836.00 रुपयांनी घसरून 67,729.00 रुपयांवर आला. अर्थसंकल्पात निर्मला सीतारमण यांनी कस्टम ड्युटी कमी करण्याची घोषणा केली असून यामुळे गुंतवणूकदार सोन्यात नफा कमावत आहेत. त्यामुळे सोने आणि चांदीचे दरही कमी होत आहेत.
दिल्लीत सोने-चांदीची किंमत (4 फेब्रुवारी 2021 रोजी दिल्लीतील सोन्याचे-चांदीचे दर)
>> 22 कॅरेट सोन्याची किंमत – 46890 रुपये
>> 24 कॅरेट सोन्याची किंमत – 51150 रुपये
>> चांदीची किंमत – 68500 रुपये
आंतरराष्ट्रीय बाजारात सोन्याचे भाव
आंतरराष्ट्रीय बाजाराबद्दल बोलायचे झाल्यास सोन्याच्या किंमती येथेही घसरत आहेत. अमेरिकेमध्ये सोन्याचा भाव प्रति औंस 1,823.34 डॉलर होता, तो 10.89 डॉलर घसरला. त्याच वेळी, चांदी 0.30 डॉलर ने कमी होऊन 26.5 डॉलर्सच्या पातळीवर आली.
बुधवारी दिल्ली सराफा बाजारात सोन्याचा भाव
बुधवारी दिल्ली सराफा बाजारात सोन्याच्या किंमतीत प्रति 10 ग्रॅम 232 रुपयांची घट झाली. राजधानी दिल्ली येथे शुद्ध सोन्याच्या 99.9 ग्रॅम शुद्धतेच्या सोन्याची नवीन किंमत आता प्रति 10 ग्रॅम 47,387 रुपये झाली आहे.
बुधवारी दिल्ली सराफा बाजारात चांदीचा भाव
दिल्ली सराफा बाजारात मंगळवारी बुधवारी म्हणजेच बुधवारीदेखील चांदीच्या दरातही मोठी घसरण झाली. आता त्याची किंमत 1,955 रुपयांनी घसरून 67,605 रुपये प्रति किलो झाली आहे.
आयात शुल्क 5 टक्क्यांनी कमी करण्याची घोषणा
वित्तमंत्री निर्मला सीतारमण यांनी आर्थिक वर्ष 2021-22 साठी सादर केलेल्या अर्थसंकल्पात सोने-चांदीवरील आयात करात मोठी कपात करण्याची घोषणा केली आहे. सोन्या-चांदीवरील आयात शुल्कामध्ये 5 टक्के कपात आहे. सध्या सोन्या-चांदीवर 12.5 टक्के आयात शुल्क भरावे लागणार आहे. 7 टक्के कपात केल्यावर केवळ 7.5 टक्के आयात शुल्क भरावे लागणार आहे. यामुळे सोन्या-चांदीच्या किंमती कमी होत असल्याचे दिसून येईल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.