हॅलो महाराष्ट्र ऑनलाईन । मंगळवारी वायदे बाजारात सोन्याच्या किंमती खाली आल्या. मंगळवारी सकाळी १०.३६ वाजता ६१ रुपयांच्या घसरणीसह एमसीएक्स एक्सचेंजमधील सोन्याचा वायदा भाव हा प्रति दहा ग्रॅम ४६,९१२ रुपये इतका होता. त्याशिवाय मंगळवारी सकाळी ११ वाजून ३६ मिनिटांनी एमसीएक्सवरील सोन्याचा वायदा भाव ०.०१ टक्क्यांच्या खाली किंवा ३ रुपयांच्या किरकोळ घसरणीसह प्रति दहा ग्रॅम ४७,०६८ रुपयांवर होता. मंगळवारी सकाळी सोन्याचे जागतिक वायद्याचे दरही खाली आले आहेत.
फ्युचर्स मार्केटमधील चांदीच्या किंमतीबद्दल बोलताना मंगळवारी त्यात वाढ दिसून आली आहे. एमसीएक्सवर मंगळवारी पहाटे ३ जुलै, २०२० चा चांदीचा वायदा १.२५ टक्क्यांनी किंवा ४०४ रुपयांनी वाढून ४८,८६१ रुपये प्रति किलो राहिला.
जागतिक बाजारपेठेबद्दल बोलताना मंगळवारी सकाळी सोन्याच्या वायद्याच्या किमतीत घट झाली आहे. ब्लूमबर्गच्या म्हणण्यानुसार, मंगळवारी सकाळी सोन्याचे जागतिक वायद्याचे दर ०.०९ टक्क्यांनी किंवा १.५० डॉलरने कमी होऊन १,७५२ डॉलर प्रति औंस झाले. त्याच वेळी सोन्याची जागतिक पातळीवरील किंमत ०.११ टक्के किंवा १.८३ डॉलरने वाढून १७३३.७८ डॉलर प्रति औंस झाली.
मंगळवारी सकाळी जागतिक बाजारात चांदीच्या वायदा आणि स्पॉटच्या किंमती या दोहोंमध्ये वाढ दिसून आली. मंगळवारी सकाळी चांदीची जागतिक किंमत ही ०.७७ टक्क्यांनी किंवा ०.१३ डॉलरने वाढून १७.४२ डॉलर प्रति औंस झाली. त्याचबरोबर चांदीचा जागतिक वायदा भाव मंगळवारी सकाळी कॉमेक्सवर १.७६ टक्के किंवा ०.२९ डॉलरने वाढून १७.९८ डॉलर प्रति औंसवर होता.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.