हॅलो महाराष्ट्र ऑनलाईन । शुक्रवारी वायदे बाजारात सोन्याच्या किंमती पुन्हा एकदा वाढताना दिसल्या आहेत. शुक्रवारी दुपारी,एमसीएक्स एक्सचेंजमधील ५ जून २०२० रोजीचा सोन्याचा वायदा हा २४९ रुपयांनी वाढून ४६,९४८ रुपये प्रति १० ग्रॅम झाला. यावेळी सोन्याची सर्वोच्च पातळी ही प्रति १० ग्रॅम ४७,३२७ रुपये झाली. त्याशिवाय एमसीएक्स एक्सचेंजमधील ५ ऑगस्ट २०२० रोजीचा सोन्याचा वायदा शुक्रवारी दुपारी २८३ रुपयांच्या वाढीसह प्रति १० ग्रॅम ४७,१३० रुपयांवर होता. यावेळी सोन्याची सर्वोच्च पातळी ही प्रति १० ग्रॅम ४७,४९१ रुपये झाली.
शुक्रवारी वायदे बाजारात चांदीच्या किंमतींमध्ये देखील प्रचंड वाढ दिसून आली आहे. शुक्रवारी दुपारी एमसीएक्सवर चांदीच्या वायद्याचा भाव हा १,३४८ रुपयांच्या वाढीसह ४५,४८३ रुपये प्रतिकिलो होता.
आंतरराष्ट्रीय स्तराविषयी बोलायचे झाल्यास शुक्रवारी दुपारी सोन्याचा वायदा आणि त्याच्या स्पॉट किंमतीमध्येही वाढ झाली आहे. ब्लूमबर्गच्या मते शुक्रवारी दुपारी सोन्याच्या जागतिक वायद्याचा भाव हा कॉमेक्सवर ०.२० टक्क्यांनी किंवा ३.५० डॉलरने वाढून प्रति औंस १७४४.४० डॉलरवर होता. त्याचबरोबर सोन्याची जागतिक पातळीवरील किंमत ही ०.३६ टक्के म्हणजेच ०.१८ डॉलर प्रति औंसच्या तुलनेत १७३६.३८ डॉलरवर पोहोचली.
शुक्रवारी दुपारी आंतरराष्ट्रीय चांदीच्या दरातही तेजी दिसून आली. ब्लूमबर्गच्या मते शुक्रवारी दुपारी चांदीची जागतिक किंमत २.४६ टक्क्यांनी किंवा ०.३९ डॉलरने वाढून प्रति औंस १६.२६ डॉलर झाली.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.