हॅलो महाराष्ट्र ऑनलाईन । गुरुवारी वायदे बाजारात सोन्या-चांदीचे भाव पुन्हा घसरले आहेत. ५ जून २०२०रोजीच्या, एमसीएक्स एक्सचेंजमधील सोन्याचे वायदे भाव गुरुवारी २५६ रुपयांनी घसरून ४६,८७५ रुपयांवर आले होते. त्याचबरोबर गुरुवारी सकाळी एमसीएक्सवरील पाच ऑगस्ट २०२० च्या वायदे भाव हा ०.०१ टक्क्यांनी किंवा १४९ रुपयांनी घसरून ४७,१९१ रुपये प्रति १० ग्रॅम झाला.
गुरुवारी सकाळी ग्लोबल स्पॉट आणि फ्युचर्सच्या किंमतीही खाली आलेल्या आहेत. गुरुवारी स्थानिक वायदे बाजारात चांदीच्या किमतीतही घसरण दिसून आली आहे. गुरुवारी सकाळी एमसीएक्सवर ३ जुलै २०२० रोजीचा चांदीचा वायदा हा १.४३ टक्क्यांनी किंवा ७०३ रुपयांनी घसरून ४८,३५५ रुपये प्रतिकिलो राहिला.
आंतरराष्ट्रीय स्तराविषयी बोलतांना येथेही गुरुवारी सकाळी सोन्याचे वायदा व स्पॉट किंमती खाली घसरल्या आहेत. ब्लूमबर्गच्या म्हणण्यानुसार, गुरुवारी सकाळी सोन्याचे जागतिक वायद्याचे दर ०.५० टक्क्यांनी किंवा ८.८० डॉलरनर घसरून ते १७४३.३० डॉलर प्रति औंस झाले. त्याचबरोबर सोन्याची जागतिक पातळीवरील किंमत ०.४१ टक्क्यांनी किंवा ७.०९ डॉलरने घसरून १ ७४१.०९ डॉलर प्रति औंसवर बंद झाली.
आंतरराष्ट्रीय बाजारात चांदीच्या किंमतींबद्दल बोलतांना, चांदीच्या जागतिक आणि फ्युचर्सच्या किंमतींमध्ये गुरुवारी सकाळी घट दिसून आली. गुरुवारी सकाळी जागतिक स्तरावरील चांदीचे दर १.९२ टक्क्यांनी किंवा ०.३४ डॉलर घसरुन प्रति औंस १७.२२ डॉलरवर बंद झाला. त्याचबरोबर चांदीचा जागतिक वायदा भाव गुरुवारी कॉमेक्सवर १.६४ टक्क्यांनी किंवा ०.३० डॉलर घसरुन प्रति औंस १७.७४ डॉलरवर व्यापार करीत होते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.