Gold Price Today: सोने खरेदीची उत्तम संधी, किंमत 12000 रुपयांनी कमी झाली

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । एकीकडे लग्नाचा हंगाम सुरू होत असताना दुसरीकडे सोन्याच्या किंमती दररोज घटत आहे. यावेळी, ग्राहकांना सोने खरेदी करण्याची चांगली संधी आहे. कारण प्रति 10 ग्रॅम सोन्याचा दर खाली 44,400 रुपयांवर आला आहे. सोन्याच्या भावात (Gold Silver Price) घसरण होण्याचा आज भारतीय बाजारातील सलग आठवा दिवस आहे. शुक्रवारी एमसीएक्स (MCX) वरील सोन्याचे वायदा 0.3% घसरून ते 44,400 रुपये प्रति 10 ग्रॅम, तर चांदीचे वायदे 0.6 टक्क्यांनी घसरून 65,523 रुपये प्रति किलो झाले.

मागील व्यापार सत्रात सोन्याचे दर कित्येक महिन्यांच्या नीचांकी पातळीवर गेले. गुरुवारी दिल्ली बुलियन मार्केटमधील मल्टी कमोडिटी एक्सचेंज (MCX) वर सोन्याची किंमत 44,589 वर बंद झाली.

आतापर्यंत 12000 रुपये स्वस्त:
सोने गेल्या 10 महिन्यांच्या नीचांकी पातळीवर गेले आहे, तेव्हापासून त्याची किंमत सुमारे 12000 रुपयांनी कमी झाली आहे. 2020 च्या ऑगस्टमध्ये सोने 56,200 रुपयांच्या विक्रमी पातळीवर पोहोचले.

आजची 10 ग्रॅम सोन्याची किंमत:
दिल्ली सराफा बाजारात आज सोन्याचे दर प्रति 10 ग्रॅम 44,400 रुपयांवर पोहोचले. 10 महिन्यांतील सर्वात खालची पातळी आहे. काल सोन्याच्या किंमतीत 368 रुपयांची घट झाली आहे. त्याचबरोबर आंतरराष्ट्रीय बाजारात सोन्याचे दर 9 महिन्यांच्या नीचांकावर आहेत. स्पॉट गोल्ड 0.2% खाली प्रति औंस 1,693.79 डॉलर होता.

1 किलो चांदीची ताजी किंमत:
दिल्ली बुलियन मार्केटमध्ये चांदीचा वायदा दर किलो 65,523 रुपयांवर आला. त्याचबरोबर आंतरराष्ट्रीय बाजारात चांदी आज 0.2 टक्क्यांनी वधारून 25.35 डॉलर प्रति औंस झाली.

तज्ञांचे मत काय आहे ते जाणून घ्या:
देशांतर्गत बाजारात सोन्याला जोरदार मागणी आहे. लग्नाचा हंगाम सुरू आहे आणि किंमती खूप खाली आल्या आहेत. अशा परिस्थितीत मागणीचा दबाव आणखी वाढेल. या अर्थाने, किंमतीतील घसरण ही अल्प मुदतीची बाब आहे. सोने लवकरच परत येईल. म्हणूनच सोन्याचे दागिने विकत घेण्याची ही सुवर्ण संधी आहे. तज्ञ म्हणतात की, सोने 43,880 रुपयांपर्यंत खाली येऊ शकते.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

Leave a Comment