Gold Price Today। भारतीय बाजारात सोन्याच्या दराने नवा उच्चांक गाठला आहे. सध्या हा उच्चांक 85,800 प्रति 10 ग्रॅमवर पोहोचला आहे. अर्थसंकल्प जाहीर झाल्यानंतर अवघ्या तीन दिवसांतच सोन्याच्या किमतींनी मोठी उसळी घेतली आहे. यासह राजधानी दिल्लीच्या सराफा बाजारात सलग पाचव्या दिवशी सोन्याच्या दरात वाढ झाल्याचे पाहायला मिळत आहे. वाढती मागणी आणि जागतिक घडामोडी यामुळे ही किंमत स्थिर राहण्याची शक्यता तज्ज्ञ वर्तवत आहेत.
सोन्याच्या दरात सातत्याने वाढ (Gold Price Today)
यंदाच्या वर्षात आतापर्यंत सोन्याच्या किमतींमध्ये जवळपास 8% वाढ झाली आहे. 1 जानेवारी 2024 रोजी सोन्याचा दर 79,390 प्रति 10 ग्रॅम होता, जो आता 85,800 वर पोहोचला आहे. तसेच, 99.5% शुद्धतेच्या सोन्याच्या किमतीतही वाढ होत 85,400 प्रति 10 ग्रॅम दर झाला आहे. सोन्याच्या दरात होत असलेल्या वाढीमुळे गुंतवणूकदार मोठ्या प्रमाणात सोन्यात गुंतवणूक करत आहेत.
चांदीच्या किमतींमध्ये घसरण
सोन्याच्या तुलनेत चांदीच्या दरात मात्र घट झाली आहे. सलग पाच दिवसांच्या वाढीनंतर मंगळवारी चांदीचा दर 500 रुपयांनी घसरून 95,500 प्रति किलोवर आला. सोमवारी हा दर 96,000 प्रति किलो होता. तर आंतरराष्ट्रीय बाजारातही चांदीच्या किमतीत 0.71% घट झाली असून ती 32.20 प्रति औंसवर व्यापार करत आहे.
दरम्यान, सोमवारी जागतिक बाजारात सोन्याचा दर 2,872 प्रति औंसच्या विक्रमी पातळीवर पोहोचला होता. मात्र, मंगळवारी किंमतीत 17 डॉलरची घसरण होऊन तो 2,840.10 प्रति औंसवर आला. जागतिक अर्थव्यवस्थेतील अस्थिरता, महागाईची भीती आणि व्यापार युद्धाच्या पार्श्वभूमीवर गुंतवणूकदार सोन्याकडे (Gold Price Today) सुरक्षित पर्याय म्हणून पाहत आहेत. चीनच्या मध्यवर्ती बँकेने डिसेंबरमध्ये सलग दुसऱ्या महिन्यात सोन्याचा साठा वाढवला आहे. ज्यामुळे आंतरराष्ट्रीय बाजारात सोन्याच्या किमतींना आधार मिळत आहे.
गुंतवणुकीसाठी योग्य वेळ?
तज्ज्ञांच्या मते, जागतिक परिस्थिती पाहता सोन्याच्या किमती भविष्यात आणखी वाढू शकतात. त्यामुळे दीर्घकालीन गुंतवणुकीसाठी सध्याचा काळ योग्य मानला जात आहे. यासह
चांदीच्या किमतीत चढ-उतार होण्याची शक्यता असल्याने गुंतवणूकदारांनी योग्य वेळी गुंतवणूक करण्याचा विचार करावा.
