Gold Price Today : सोने- चांदी झालं स्वस्त; खरेदीची हीच ती वेळ??

हॅलो महाराष्ट्र ऑनलाईन । भारतीय सराफा बाजारात आज सोने- चांदीच्या किमती (Gold Price Today) दाणकन कोसळल्या आहेत. मल्टी कमोडिटी एक्सचेंज (MCX) वर २४ कॅरेट १० ग्राम सोने 71338 रुपये वर व्यवहार करत असून कालच्या तुलनेत या किमतीमध्ये 0.64% म्हणजेच 458 रुपयांनी घट झाल्याचे पाहायला मिळत आहे . तर दुसरीकडे चांदी 88780 रुपयांवर व्यवहार करत असून या किमतीत 1594 रुपयांची घसरण झाली आहे. त्यामुळे सोने खरेदीदार ग्राहकांसाठी हि मोठी आनंदाची बातमी म्हणावी लागेल. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.

आज MCX वर सोन्याचा भाव ७१३४१ रुपयांपासून सुरु झाला.. मात्र थोड्याच वेळात या किमती (Gold Price Today) खाली गेल्याचे पाहायला मिळाले.१० वाजता तर सोन्याचा दराने ७११९६ रुपयांची निच्चांकी पातळी गाठली होती. मात्र त्यानंतर या किमती हळू हळू वाढू लागल्या. सध्या २४ कॅरेट १० ग्राम सोन्याचा भाव ७१३३७ रुपयांवर व्यवहार करत आहेत. तर दुसरीकडे गुड रिटर्न वेबसाईट नुसार, २४ कॅरेट १० ग्राम सोन्याची किंमत ७२१६० रुपये आहे. तर २२ कॅरेट १० ग्राम सोन्याचा भाव ६६१५० रुपये आहे.

गुड रिटर्न नुसार सोन्याचा भाव – Gold Price Today

22 कॅरेट सोन्याचा आजचा भाव (प्र. 10 ग्रॅम)-

पुणे- 66,150 रुपये
मुंबई – 66,150 रुपये
नागपूर – 66,150 रुपये

24 कॅरेट सोन्याचा आजचा भाव (प्र. 10 ग्रॅम)

पुणे- 72,160 रूपये
मुंबई – 72,160 रूपये
नागपूर – 72,160 रूपये

सोन्याची शुद्धता कशी तपासाल?

साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.