हॅलो महाराष्ट्र ऑनलाईन । सोने खरेदीदार ग्राहकांसाठी खुशखबर आहे. आज सोमवार २२ जुलै २०२४ रोजी सोने- चांदीच्या किमती (Gold Price Today) पुन्हा एकदा कोसळल्या आहेत. मागील २ दिवसात सोने चांदीच्या दरात घसरण पाहायला मिळाली होती. आजही हाच ट्रेंड कायम राहिला आहे. मल्टी कमोडिटी एक्सचेंज (MCX) वर २४ कॅरेट १० ग्राम सोन्याचा भाव 72759 रुपयांवर व्यवहार करत आहे. आधीच्या तुलनेत या किमती मध्ये ११३ रुपयाची घट झाली आहे तर दुसरीकडे चांदीच्या किमती सुद्धा 543 रुपयांनी स्वस्त झाल्या असून एक किलो चांदीचा भाव 89125 रुपये इतका आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.
आज MCX वर सोन्याचा भाव ७३०१८ रुपयांपासून सुरु झाला.. मात्र थोड्याच वेळात या किमती (Gold Price Today) खाली गेल्याचे पाहायला मिळालं. १२ वाजून ३० मिनिटांनी सोन्याच्या किमतीने ७२७३० रुपयांचा निच्चांक गाठला. त्यानंतर या किमती थोड्या वर गेल्या. सध्या २४ कॅरेट १० ग्राम सोन्याचा भाव 72759 रुपयांवर व्यवहार करत आहे. दुसरीकडे गुड रिटर्न नुसार, २२ कॅरेट १० ग्राम सोन्याचा भाव ६७७०० रुपये आहे, तर २४ कॅरेट १० ग्राम सोन्याचा दर ७३८५० रुपये आहे. तुम्ही मिस्ड कॉलद्वारे सुद्धा सोन्या-चांदीची किंमत तपासू शकता. 22 कॅरेट सोन्याचे आणि 18 कॅरेट सोन्याचे दर जाणून घेण्यासाठी तुम्ही 8955664433 वर मिस कॉल करू शकता.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 67,700 रुपये
मुंबई – 67,700 रुपये
नागपूर – 67,700 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 73,850 रूपये
मुंबई – 73,850 रूपये
नागपूर – 73,850 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.