हॅलो महाराष्ट्र ऑनलाईन । गेल्या काही महिन्यापासून सुरु असलेली सोन्याच्या किमतीनी (Gold Price Today) आज अचानक ब्रेक लागला आहे. आज गुरुवार २३ मे २०२४ रोजी एक तोळा सोन्याच्या किमतीत जवळपास १००० रुपयांची घट पाहायला मिळाली आहे. खूप दिवसांनी सोने स्वस्त झाल्याने ग्राहकांमध्ये समाधानाचे वातावरण आहे. मल्टी कमोडिटी एक्सचेंज (MCX) वर आज २४ कॅरेट १० ग्राम सोने 72380 रुपयांवर व्यवहार करत आहे. कालच्या तुलनेत या किमतीत 0.89% म्हणजेच 647 रुपयांची घसरण झाली आहे. तर चांदीच्या किमतीत सुद्धा १८६६ रुपयांची घसरण झाली असून १ किलो चांदी 91089 रुपयांवर व्यवहार करत आहे. उत्पादन शुल्क, राज्य कर आणि मेकिंग शुल्कामुळे सोन्याच्या दागिन्यांच्या किमती भारतभर बदलतात.
आज MCX वर सोन्याचा भाव ७२६०० रुपयांपासून सुरु झाला.. मात्र बाजार जसा जसा पुढे जाईल तस तस सोन्याच्या किमतीत (Gold Price Today) घट होऊ लागली. ११ वाजता सोन्याचा भाव ७२३६० रुपयांवर व्यवहार करू लागला. त्यानंतर ११ वाजून ३० मिनिटांनी सोन्याची किंमत ७२१८० रुपयांपर्यंत घसरली. यानंतर १२ वाजता या किमतीत थोडीफार वाढ झाली असून सध्या १० ग्राम २४ कॅरेट सोने 72380 रुपयांवर व्यवहार करत आहे. दुसरीकडे गुड रिटर्न वेबसाईट नुसार, एक तोळा सोन्याची किंमत ७३४२० रुपये आहे.
गुड रिटर्न नुसार सोन्याचा भाव – Gold Price Today
22 कॅरेट सोन्याचा आजचा भाव (प्र. 10 ग्रॅम)-
पुणे- 67,300 रुपये
मुंबई – 67,300 रुपये
नागपूर – 67,300 रुपये
24 कॅरेट सोन्याचा आजचा भाव (प्र. 10 ग्रॅम)
पुणे- 73,420 रूपये
मुंबई – 73,420 रूपये
नागपूर – 73,420 रूपये
सोन्याची शुद्धता कशी तपासाल?
साधारणतः नागरिक सोन्याचे दागिने बनवण्यासाठी 22 कॅरेट सोन्याचा वापर करतात. मात्र आपल्याला हे माहिती असायला हवे कि, 22 कॅरेट सोन्यामध्ये 91.66 टक्के सोने असते. तसेच त्यात 2 कॅरेट इतर धातू वापरलेले असतात. हॉलमार्क केलेले सोने घेण्यासच नागरिक जास्त पसंती देतात. कारण हे सोने खात्रीशीर असते. दागिन्यांमध्ये शुद्धतेशी संबंधित 5 प्रकारचे हॉलमार्क आहेत आणि हे हॉलमार्क दागिन्यांवरती असतात.