हॅलो महाराष्ट्र ऑनलाईन । सोन्याच्या किंमतीत होत असलेली किंचितसी चढउतार अजूनही चालूच आहे. इंडियन बुलियन अँड ज्वेलर्स असोसिएशन लिमिटेडने (आयबीजेए) मंगळवारी सकाळी सोन्याचा नवीन दर जाहीर केला आहे. त्यानुसार आज सोन्याच्या किंमती कालपेक्षा किरकोळ वाढलेल्या आहेत. मंगळवारी २४ कॅरेट १० ग्रॅम सोन्याची किंमत ही ४६,००४ रुपये तर चांदीची किंमत ही ४३,०६० रुपये किलो इतकी झाली आहे.
सोमवारी सायंकाळी केलेल्या एका ट्विटनुसार २४ कॅरेट सोन्याचे भाव प्रति ग्रॅम ४५७९ रुपये होते. आयबीजेएच्या म्हणण्यानुसार, सोमवारी संध्याकाळी २२ कॅरेट सोन्याची किंमत प्रति ग्रॅम ४४०८ रुपये तर १८ कॅरेट सोन्याची किंमत प्रति ग्रॅम ३६४८ रुपये इतकी होती.
खरं तर, सोमवारी जागतिक पातळीवरील कमकुवत संकेतामुळे सोन्याच्या वायद्यात किंचित घट नोंदली गेली. सोने हे ०.०५ टक्क्यांनी घसरून ४५,७८९ रुपये प्रति १० ग्रॅम झाला. त्याच वेळी चांदीच्या दरातही किंचित वाढ झाली आहे. सोमवारी वायदा बाजारात चांदी ही ०.५७ टक्क्यांनी वधारली.जर तुम्ही सामान्य ग्राहक असाल तर तुम्हाला आयबीजेएने नमूद केलेल्या किंमतीवर दागदागिने खरेदी करण्यासाठी वेगळा मेकिंग चार्ज आणि ३% जीएसटी द्यावा लागेल.
सोमवारी सोन्याच्या भावात घसरण झाल्यामुळे मल्टी कमोडिटी एक्सचेंजमध्ये जून डिलीव्हरीसाठी सोन्याचा भाव २३ रुपयांनी किंवा ०.०५ टक्क्यांनी घसरून ४५,७८९ रुपयांवर आला. त्याचप्रमाणे ऑगस्ट डिलीव्हरीसाठी सोन्याचा भाव ४९ रुपये किंवा ०.११ टक्क्यांनी घसरून ४५,००८ रुपये प्रति १० ग्रॅम झाला. न्यूयॉर्कमध्ये सोन्याचे भाव ०.४२ टक्क्यांनी घसरून १,७०६.७० डॉलर प्रति औंस झाले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.