नवी दिल्ली । सराफा बाजारात आज सोन्याच्या भावात पुन्हा किंचित वाढ नोंदली गेली. दुसरीकडे मात्र चांदीच्या किंमतीत आज घसरण झाली आहे. गुरूवारी MCX वरील सोन्याचे दर प्रति 10 ग्रॅममध्ये 0.02% वाढीसह 48,794 रुपयांवर गेले. जुलैमधील फ्यूचर्स चांदीचा भाव 71,400 रुपयांवर आहे. काल चांदीचा दर 72,631 रुपये प्रतिकिलो होता.
मार्चमध्ये सोन्याचे दर प्रति 10 ग्रॅमच्या आसपास सुमारे 44,000 रुपयांवर पोहोचले. किंमतींमध्ये नुकतीच सुधारणा झाली असली तरी सोन्याचे दर गतवर्षीच्या उच्चांक 56,200 रुपयांच्या खाली आहेत.
सोन्याचे चांदीचे किंमत तपासा : आज MCX वर सोन्याच्या किंमती प्रति 10 ग्रॅममध्ये 0.02% वाढून 48,794 रुपयांवर पोहोचली. त्याचबरोबर चांदीचा दर 0.02 टक्क्यांनी घसरून 71,400 रुपये प्रति किलो झाला आहे.
सोन्याची किंमत आता वाढू शकते
तज्ञांच्या मते सोन्या-चांदीच्या किंमतीत आणखी वाढ होऊ शकते. कोरोना विषाणू हे सोन्याच्या किंमतीत वाढ होण्यामागील एक कारण असू शकते. अलीकडेच, एका अहवालात असे सांगितले गेले आहे की, येत्या काही महिन्यांत कोरोनाची तिसरी लाटही येईल. तज्ञांचा असा विश्वास आहे की, येत्या काळात सोने 50 हजारांच्या पुढे जाईल, त्यामुळे गुंतवणूकीसाठी हीच योग्य वेळ आहे.
गेल्या काही दिवसांत भारतीयांनी बाजारात Gold ETF (एक्सचेंज ट्रेडेड फंड) मध्ये मोठी गुंतवणूक केली आहे. सोन्याच्या किंमती वाढल्यामुळे सोन्याच्या ETF मध्ये गुंतवणूक वाढली आहे. गुंतवणूकदार गुंतवणूकीसाठी हा एक सुरक्षित पर्याय मानत आहेत.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा