नवी दिल्ली । आपल्याला मोफत एलपीजी कनेक्शन मिळवायचे असल्यास आपल्यासाठी एक चांगली बातमी आहे. प्रधानमंत्री उज्ज्वला योजनेंतर्गत केंद्र सरकार एलपीजी कनेक्शन मोफत देते. बिझिनेस स्टँडर्डच्या वृत्तानुसार PMUY चा पुढील टप्पा या महिन्यात जूनमध्ये सुरू होऊ शकेल. सध्याच्या योजनेचा टप्पादेखील पूर्वीसारखाच होणार असल्याचे सांगण्यात येत आहे. नियम बदलले जाणार नाहीत. पेट्रोलियम आणि नैसर्गिक वायू मंत्रालयाने प्रधानमंत्री उज्ज्वला योजनेच्या (PMUY) पुढील टप्प्यातील आराखडा अंतिम रूपात ठरविला असून पुढील महिन्यात ते सुरू होण्याची शक्यता आहे.
अर्थमंत्र्यांनी जाहीर केले होते
1 फेब्रुवारी रोजी अर्थमंत्री निर्मला सीतारमण यांनी मोफत एलपीजी योजनेचा (Ujjwala) विस्तार करण्याची घोषणा केली. आणखी एक कोटी लाभार्थ्यांना या योजनेच्या कक्षेत आणले जाईल, असे अर्थमंत्र्यांनी सांगितले होते. आपण या योजनेसाठी अर्ज करू इच्छित असल्यास त्याबद्दल सर्वकाही जाणून घ्या …
कोण फायदा घेऊ शकेल?
प्रधान मंत्री उज्ज्वला योजनेंतर्गत दारिद्र्य रेषेखालील कुटुंबांना घरगुती एलपीजी कनेक्शन देण्याचे काम सरकार करते. हे कनेक्शन कुटुंबातील महिलांच्या नावे जारी केले जाते. विशेषत: ग्रामीण भारतातील महिलांच्या सक्षमीकरणास यामुळे मदत होते.
ऑनलाईन अर्ज कसा करावा ?
<< आपल्याला अर्ज करायचा असेल तर सर्वप्रथम पंतप्रधान उज्ज्वला योजनेची अधिकृत वेबसाइट आपल्या कॉम्पुटरवर http://pmjjlaylayana.com उघडा.
<< वेबसाइट उघडताच मेन पेज दिसून येईल. आपण डाउनलोड फॉर्म वर जा आणि त्यावर क्लिक करा.
<< आपण डाउनलोड फॉर्मवर क्लिक करताच आपल्याला समोर उज्ज्वला योजनेचा फॉर्म दिसेल.
<< आपल्याला तो भरावा लागेल. यात आपले नाव, ई-मेल आयडी, फोन नंबर, एक कॅप्चा भरावा लागेल. यानंतर आपल्याला ओटीपी जनरेट करण्यासाठीच्या बटणावर क्लिक करावे लागेल.
<< यानंतर आपण हा फॉर्म डाउनलोड करा.
<< हा फॉर्म आपल्या जवळच्या एलपीजी एजन्सीकडे सबमिट करण्याचे काम करा.
<< यासह आपल्याला काही कागदपत्रे देखील द्यावी लागतील. उदाहरणार्थ, आधार कार्ड, स्थानिक पत्त्याचा पुरावा, आपली फोटोकॉपी इ.
<< कागदपत्र पडताळल्यानंतर, तुम्हाला एलपीजी गॅस कनेक्शन देण्याचे काम केले जाईल.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा