Sunday, February 5, 2023

गुड न्यूज! अमेरिकेच्या ‘या’ कंपनीने कोरोनावरील औषधाचा माणसावरील प्रयोग केला सुरु

- Advertisement -

हॅलो महाराष्ट्र ऑनलाईन । अमेरिकेच्या एका बायोटेक्नॉलॉजी कंपनीने ऑस्ट्रेलियामध्ये मानवांवर कोरोनाव्हायरसच्या औषधाची चाचणी सुरू केल्याची घोषणा केली आहे. या वर्षाच्या अखेरीस हे औषध तयार होईल, असे कंपनीने म्हटले आहे. ‘नोव्हावॅक्स’ या बायोटेक्नॉलॉजी कंपनीचे लीड रिसर्चर डॉ. ग्रिगोरी ग्लेन यांच्या म्हणण्यानुसार मेलबर्न आणि ब्रिस्बेन शहरातील सुमारे १३१ जणांवर या औषधाची चाचणी सुरू झाली आहे.

ग्लेन यांनी नोव्हावॅक्स मेरीलँड मुख्यालयातील ऑनलाइन पत्रकार परिषदेत म्हटले आहे की, ‘हे औषध काम करतंय आणि ते या वर्षाच्या अखेरपर्यंत लोकांकरिता उपलब्ध करून द्यायचे आहे, असा विचार करूनच आम्ही औषधे आणि लस एकत्रच तयार करत आहोत. यापूर्वी, जागतिक आरोग्य संघटनेचे महासंचालक टेड्रोस एडॅनॉम यांनी संयुक्त राष्ट्र संघाच्या (यूएन) आर्थिक आणि सामाजिक परिषदेला ही माहिती दिली होती की, कोरोना लसीचे काम आता वेगाने होत आहे आणि कदाचित ते वेळेआधीच विकसित केले जाईल. टेड्रॉसने सांगितले की, जगभरात अशा एकूण ७ ते ८ टीम्स असून ते ही लस (कोविड -१९लस ) बनवण्याच्या अगदी जवळ आहेत आणि लवकरच संपूर्ण जगाला एक चांगली बातमी मिळेल.

- Advertisement -

टेड्रॉसच्या म्हणण्यानुसार बर्‍याच देशांनी यासाठी मदतीचा हात पुढे केला आहे आणि जगभरात सुमारे १०० वेगवेगळ्या टीम्स या लसीची चाचणी घेत आहेत आणि त्यातील ८ टीम्स या अगदी जवळ आहेत. दोन महिन्यांपूर्वीच, आम्ही असा अंदाज केला होता की यावरचे औषध तयार होण्यास १२ ते १८ महिन्यांचा कालावधी लागू शकतो, मात्र आता हे काम वेगाने होते आहे आणि कदाचित ते वेळेआधीच विकसित केले जाईल. मात्र, टेड्रॉस यांनी सर्व देशांना संशोधन आणि या औषधाच्या प्रॉडक्शनसाठी सुमारे ८ अब्ज डॉलर्स जमा करण्याचे आवाहन केले आहे. ही लस तयार झाल्यानंतर त्याचे मोठ्या प्रमाणावर प्रॉडक्शन करणे देखील आवश्यक असेल, म्हणून ही रक्कम कमी पडेल.

टेड्रोस म्हणाले की,’ यापूर्वी त्यांनी या संदर्भात ४० देशांना अपील केले गेले आहे. हे उल्लेखनीय आहे की, चीन, अमेरिका आणि युरोपमधील सुमारे एक डझन प्रायोगिक औषधे ही त्यांच्या चाचणीच्या सुरुवातीच्या टप्प्यात आहेत किंवा त्यांची चाचणी सुरू होणार आहे. यापैकी कोणती औषधे ही सुरक्षित आणि प्रभावी ठरतील हे अद्यापही स्पष्ट झालेले नाही. मात्र बरीच औषधे ही वेगवेगळ्या पद्धतीने कामं करतात आणि वेगवेगळ्या तंत्राने ती बनविली जातात. यामुळे अशी आशा निर्माण झाली आहे की यापैकी कोणतीही औषधे यशस्वी होऊ शकतात. ‘नोव्हावॅक्स’ ने गेल्या महिन्यात एपीला सांगितले होते की, ‘आम्ही बनवणाऱ्या औषधांमध्ये आम्ही या विषाणूला स्पर्शही करत नाही, पण शेवटी हे एका रोग प्रतिकारशक्तीसाठी व्हायरससारखे भासते.’ ते म्हणाले, ” हा तोच प्रकार आहे ज्याप्रकारे ‘नोव्हावॅक्स’ नॅनो पार्टिकलचा वापर करून सर्दी साठी औषधे बनविते.”

Novavax shares plummet 84% after trial does not meet objectives

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.