हॅलो महाराष्ट्र ऑनलाईन । भाजपचे आमदार गोपीचंद पडळकर यांच्याकडून कधी राष्ट्रवादी काँग्रेसचे अध्यक्ष शरद पवार तर कधी उपमुख्यमंत्री अजित पवार यांच्यावर टीका केली जाते. आता पडळकरांनी राष्ट्रवादीचे आमदार रोहित पवार यांच्यावर निशाणा साधला आहे. “आपल्या घरगुती वादात, दुसऱ्यांच्या पाल्यांचे भविष्य अंधारात लोटू नका. ‘प्रशासकीय वचक’ आहे म्हणून स्वत:चंच तुणतुण वाजवायचं आणि MPSC सदस्यांच्या नियुक्त्यालाच ३० दिवस लावायचे, हे बंद करा, अशा शब्दात पडळकरांनी हल्लाबोल केला आहे.
गोपीचंद पडळकर यांनी आपल्या ट्विट मध्ये म्हंटले आहे की, आपल्या घरगुती वादात, दुसऱ्यांच्या पाल्यांचे भविष्य अंधारात लोटू नका. ‘प्रशासकीय वचक’ आहे म्हणून स्वत:चंच तुणतुण वाजवायचं.. आणि MPSC सदस्यांच्या नियुक्त्यालाच ३० दिवस लावायचे तर MPSC पात्र उमेदवारांच्या नियुक्त्या कधी? कृपया याकरिता केंद्र सरकारकडे बोट दाखवू नका. ज्यांना नीट वाचता येत नाही त्यांनी सल्ले देऊ नये, असा सल्लाही यावेळी पडळकर यांनी रोहित पवार याना दिला आहे.
आपल्या घरगुती वादात, दुसऱ्यांच्या पाल्यांचे भविष्य अंधारात लोटू नका.
‘प्रशासकीय वचक’ आहे म्हणून स्वत:चंच तुणतुण वाजवायचं.. आणि #MPSC सदस्यांच्या नियुक्त्यालाच ३० दिवस लावायचे तर #MPSC पात्र उमेदवारांच्या नियुक्त्या कधी?कृपया याकरिता केंद्र सरकारकडे बोट दाखवू नका. #MahaVikasAghadi pic.twitter.com/20YhH6k7aj— Gopichand Padalkar (@GopichandP_MLC) August 4, 2021
भाजपचे आमदार गोपीचंद पडळकर यांनी आज सांगली जिल्ह्यातील झरे या गावाला भेट दिली. यावेळी आयोजित कार्क्रमात त्यांनी आमदार रोहित पवार तसेच यांच्यावर टीका केली. तसेच यावेळी पडळकर यांनी राज्यातील एमपीएससी परीक्षा, उत्तीर्ण विद्यार्थ्यांच्या नियुक्त्या आणि आयोग सदस्य नेमणूक यावरून राष्ट्रवादी काँग्रेसवर निशाणही साधला.