नवी दिल्ली । आर्थिक वर्ष संपुष्टात येण्याची तारीख जसजशी जवळ येत आहे, तसतसे सरकारी कंपन्यांच्या निर्गुंतवणुकीची प्रक्रियाही वेगवान झाली आहे. सीएनबीसी आवाजला मिळालेल्या माहितीनुसार SCI आणि Air India नंतर BEML, ITDC सह अर्ध्या डझन कंपन्यांसाठी बोली लावण्याची तयारी सुरू करण्यात आली आहे. त्यासाठी पुढच्या आठवड्यात सरकारची महत्त्वपूर्ण बैठक होणार आहे.
BEML मधील 26% भागभांडवल विकण्यासाठी 28 डिसेंबर रोजी बैठक
अहवालानुसार, येत्या काही दिवसांत सरकारला निर्गुंतवणुकीच्या मोर्चावर खूप वेगाने पुढे जाण्याची इच्छा आहे. ज्यासाठी बर्‍याच महत्त्वाच्या बैठका होणार आहेत. सूत्रांकडून मिळालेल्या माहितीनुसार, पुढील आठवड्याच्या सुरूवातीस BEML मधील 26% भागभांडवल विक्रीसाठी कोर ग्रुप ऑफ सेक्रेटरीज ऑन डिसइंवेस्टमेंट म्हणजेच CCD बरोबर येत्या 28 डिसेंबर रोजी बैठक होईल. या बैठकीत संबंधित मंत्रालयाचे अधिकारी सामील आहेत.
CCD च्या या बैठकीत भागभांडवल विक्रीस पीआयएम (Preliminary Information Memorandum) आणि एक्सप्रेशन ऑफ इंटेरेस्ट (Expression of Interest) च्या ड्राफ्टला अंतिम मान्यता मिळू शकते. सरकारला BEML मधील आपला 26% हिस्सा स्ट्रॅटेजिक सेल द्वारे विकायचा आहे. सरकारचा सध्या त्यात 54.03% हिस्सा आहे.
पुढील बैठक 30 डिसेंबर रोजी होईल
दुसरी महत्वाची बैठक 30 डिसेंबरला ITDC च्या हॉटेल अशोकाच्या विक्री किंवा भाडेतत्त्वावर देण्यासाठी होणार आहे. या बैठकीत स्ट्रॅटेजिक सेलबाबत निर्णय घेता येईल. आयएमजी (इंटर मिनिस्टरीअल ग्रुप) यांच्यातर्फे ही बैठक होणार असून यामध्ये स्ट्रॅटेजिक सेलच्या वेगवेगळ्या प्रस्तावांवर विचार केला जाईल तसेच त्याला अंतिम रूप देण्यात येईल. तसेच अर्ध्या डझनहून अधिक कंपन्यांसाठी बैठका घेत आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.