नवी दिल्ली । कोरोनाव्हायरस (Coronavirus Pandemic) महामारीमध्ये सरकारी बँक कर्मचार्‍यांसाठी (PSU Bank staff) दिलासा देणारी बातमी आहे. बँक आपल्या कर्मचार्‍यांना बँक परफॉर्मन्स लिंक्ड इन्सेन्टिव्ह (PLI) अंतर्गत अतिरिक्त पगार देत आहे. याची सुरुवात कॅनरा बँकेने केली आहे. या आठवड्यात कॅनरा बँकेने आपल्या कर्मचार्‍यांना इन्सेन्टिव्ह म्हणून 15 दिवसांचे पैसे दिले आहेत. आर्थिक निकाल दिल्यानंतर बँकेने हे पेमेंट केले आहे. म्हणजेच सार्वजनिक बँकांच्या कामगिरीच्या आधारे त्यांच्या कर्मचार्‍यांना लाभ मिळेल.
बँकेच्या कामगिरीवर आधारित इन्सेन्टिव्ह
मागील वर्षी नोव्हेंबरमध्ये कर्मचार्‍यांच्या कामगिरीशी निगडित घटकासाठी इंडियन बँक असोसिएशन (IBA) सह करार झाला होता. त्याअंतर्गत कर्मचार्‍यांना बँकेच्या कामगिरीवर आधारित इन्सेन्टिव्ह मिळते.
बँक ऑफ महाराष्ट्रने PLI जारी केले
TOI च्या अहवालानुसार, कॅनरा बँकेव्यतिरिक्त बँक ऑफ महाराष्ट्रनेही 2020-21 च्या चौथ्या तिमाहीत 165 कोटी रुपयांचा नफा नोंदविल्यानंतर आपल्या कर्मचार्‍यांना PLI जारी केले आहे. हे PLI सर्व रँक आणि डेजिगनेशन मधील कर्मचार्‍यांना लागू आहे.
SBI कर्मचार्‍यांना लाभ मिळेल
स्टेट बँक ऑफ इंडियाने (SBI) शुक्रवारी मार्च तिमाहीचा निकाल जाहीर केला आहे. 31 मार्च 2021 रोजी संपलेल्या चौथ्या तिमाहीत SBI चा नफा जवळपास 80 टक्क्यांनी वाढला आहे आणि तो मागील वर्षाच्या चौथ्या तिमाहीत 3,580.8 कोटी रुपयांवरून 6,450.7 कोटी रुपये झाला आहे. त्याचप्रमाणे बँकेचे व्याज उत्पन्नही 18.9 टक्क्यांनी वाढून 27,067 कोटी रुपये झाले आहे. याबरोबरच बँकेने गुंतवणूकदारांना प्रति शेअर 4 रुपये डिव्हीडंड जाहीर केला आहे. आता लवकरच कर्मचार्‍यांनाही इन्सेन्टिव्ह मिळेल अशी अपेक्षा आहे.
इन्सेन्टिव्ह कसे ठरविले जाते ते जाणून घ्या
नियमानुसार जर एखाद्या बँकेचा नफा 5 ते 10 टक्क्यांच्या दरम्यान असेल तर कर्मचाऱ्यांना इन्सेन्टिव्ह म्हणून 5 दिवसाचा पगार मिळेल. कर्मचार्‍यांना 10 ते 15 टक्के नफ्यावर 10 दिवसाचा पगार मिळेल. कर्मचार्‍यांना 15 टक्के पेक्षा अधिक नफ्यावर 15 दिवसांचा पगार इन्सेन्टिव्ह म्हणून मिळणार आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा