औरंगाबाद | कोरोना नियमांचे उल्लंघन करून जिमखाना क्लबमध्ये लग्नसमारंभला मर्यादेपेक्षा जास्त वऱ्हाडिंचा गोतावळा जमवून कोरोना नियमांचे उल्लंघन केल्याबद्दल जालना रोड येथील जिमखाना क्लबकडून मनपा पथकाने मंगळवारी वीस हजार रुपयांचा दंड वसूल केला.
कोरोना नियमांचे उल्लंघन करणाऱ्यांवर दंडात्मक कारवाई केली जात आहे. यात मंगळवारी शहरात विनामस्क फिरणारऱ्या 18 नागरिकांकडून प्रत्येकी 500 रुपयांप्रमाणे 9 हजार रुपये दंड वसूल केला. मुन्नार येथील जीएस ट्रान्सपोर्टकडे 150 किलो प्रतिबंधित प्लास्टिक कॅरीबॅग काढल्याबद्दल 25 हजार तर शहागंज येथील तमन्ना हो होजीरिकडे प्रतिबंधित प्लास्टिक काढल्याबद्दल पाच हजार रुपयांचा दंड वसूल करण्यात आला.
कारवाईत जप्त केलेला मुद्देमाल गरवारे स्टेडियम येथील स्टोअर रूममध्ये ठेवण्यात आला.जास्त कचरा आढळल्याने 3 व रस्त्यांवर थुंकनाऱ्या तीन जणांना दंड देण्यात आला. या कारवाईतून एकूण 59 हजार 900 रुपयांचा दंड नागरिक मित्र पथकाने वसूल केला.