हॅलो महाराष्ट्र ऑनलाईन । एका ४१ वर्षीय व्यक्ती आपल्या पत्नीला सोडून एका १८ वर्षाच्या मुलीच्या मागे लागला. त्याने या मुलीला सहा दिवस एका खोलीत बंद ठेवून बलात्कार केला. त्यानंतर या पीडित मुलगी या माणसाच्या घराशेजारी असलेल्या गॅरेजमध्ये बेशुद्ध अवस्थेत सापडली. या पीडित मुलीच्या आईने याबाबत डूमस पोलिसात तक्रार दाखल केली आहे. तक्रार दाखल केल्याच्या थोड्याच वेळातच आरोपीला पकडले गेले. पोलिसांनी आयपीसीच्या अनेक कलमांसह पॉक्सो कायद्या अंतर्गत त्याच्यावर कारवाई सुरू केली आहे.
पोलिसांनी दिलेल्या माहितीनुसार,हा ४१ वर्षीय आरोपी मेहुल रमेश पटेल डूमसच्या अभावा गावात राहणारा आहे. तो विवाहित आहे. त्याला एक मुलगा देखील आहे. मेहुलने एका १८ वर्षाच्या मुलीला आपल्या प्रेमाच्या जाळ्यात अडकवले तिला सांगितले की त्याची पत्नी नोकरी करते ज्यामुळे त्या दोघांचे बिलकुल पटत नाही. आपल्या पत्नीपासून घटस्फोट घेतल्यानंतर तो तिच्याशी लग्न करेल. असे सांगून मेहुलने २० एप्रिल रोजी या १८ वर्षीय मुलीला आपल्या सोबत नेले.
लग्न करण्यासाठी ती मुलगी आपल्यासोबत लिविंग सर्टिफिकेट आणि जन्म प्रमाणपत्र घेऊन आली, पण मेहुलने हे पाहिले असता त्याने तिला लग्नाला नकार देत मारहाण केली. मुलीच्या म्हणण्यानुसार, मेहुलने तिचे डोळे, कान आणि पायावर मारले. त्यानंतर तिला एका खोलीत बंदिस्त ठेवून अनेक दिवस तिच्यावर बलात्कार केला. सहा दिवसानंतर ती मेहुलच्या घराजवळच्या गॅरेजमध्ये बेशुद्ध अवस्थेत सापडली.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.