हॅलो महाराष्ट्र ऑनलाईन । गुरुवारी दुपारपर्यंत देशात ५७३४ लोकांना कोरोनाव्हायरसची लागण झाली आहे. यासह आतापर्यंत१६६ लोकांचा मृत्यूही झाला आहे.आता प्राण्यांनाही कोरोना विषाणूचा संसर्ग झाल्याचे वृत्त येत आहे. प्रथम हाँगकाँगच्या पाळीव कुत्र्यात आणि नंतर न्यूयॉर्कमध्ये वाघामध्ये कोरोना संक्रमणाची पुष्टी झाली आहे. यामुळे घाबरून तेलंगणा येथील एका व्यक्तीने आपल्या बकऱ्यांच्या तोंडावर मास्क लावले आहेत.
ए. वेंकटेश्वर राव, तेलंगणाच्या खम्मम जिल्ह्यातील कल्लूर मंडळामध्ये राहतात, त्याकडे २० शेळ्या आहेत. कोरोना विषाणूच्या संक्रमणापासून त्यांच्या सर्व बकऱ्यांच्या बचावासाठी त्यांनी त्यांच्या तोंडावर मास्क लावले आहेत. त्यांच्या मते, त्यांच्या कुटुंबाकडे शेतीसाठी जमीन नाही. उदरनिर्वाहासाठी संपूर्ण कुटुंब या शेळ्यांवर अवलंबून आहे. अशा परिस्थितीत जेव्हा त्यांना कोरोना विषाणूबद्दल कळले तेव्हा त्यांनी त्यांच्या रक्षणासाठी त्यांच्या तोंडावर मास्क लावले.
Telangana: Entry/exit has been prohibited in the areas that have been identified as containment zones in Hyderabad. A total of 427 cases have been reported in the state out of which seven died while 35 others were cured/discharged. #COVID19 pic.twitter.com/hbpCIKoLF7
— ANI (@ANI) April 9, 2020
व्यंकटेश्वर राव म्हणाले की, वाघाच्या कोरोना पॉझिटिव्ह असल्याची माहिती मिळताच त्याने सर्व बकऱ्यांच्या तोंडावर मास्क लावला. तो स्वतःदेखील एक मास्क लावून कोरोना संक्रमणापासून स्वत: ला वाचवित आहे. जेव्हा जेव्हा ते बकऱ्यांना जंगलात चरायला नेतात तेव्हा ते त्यांच्या तोंडावर मास्क ठेवतात.
तेलंगणामध्ये आतापर्यंत कोरोना संक्रमणाची ४२७ प्रकरणे नोंदली गेली आहेत. यामध्ये ३५ लोक बरे झाले आहेत. कोरोना संक्रमणामुळे देशात आतापर्यंत १६६ लोकांचा मृत्यू झाला आहे. आरोग्य मंत्रालयाच्या मते, सध्या ५७३४ लोक संसर्गित आहेत. गेल्या २४ तासांत देशात कोरोना संक्रमणाची ५४९ घटना घडली आहेत. या काळात १७ मृत्यू झाले आहेत. मंत्रालयाच्या म्हणण्यानुसार देशातील ४७३ जणांनी या संसर्गाचा पराभव केला आहे.त्यांना रुग्णालयातूनही डिस्चार्ज देण्यात आला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.