नवी दिल्ली । जर तुम्ही तुमची हेल्थ इन्शुरन्स पॉलिसी दुसर्‍या कंपनीकडे पोर्ट करण्याचा विचार करत असाल तर त्यासंबंधीच्या काही महत्त्वाच्या गोष्टी आधीच समजून घ्या. यासंबंधीचेही काही नियम बदलले आहेत. आता इन्शुरन्स पॉलिसीमध्ये देखील पोर्टिंगची सुविधाआली आहे. याचा अर्थ, जर तुम्ही कोणत्याही इन्शुरन्स कंपनीच्या सर्व्हिसेसबद्दल पूर्णपणे समाधानी नसाल तर तुम्ही तुमची पॉलिसी दुसऱ्या कंपनीकडे सहजपणे पोर्ट (बदल) करू शकता. इन्शुरन्स कंपनी बदलण्याच्या या प्रक्रियेला पोर्टिंग असे म्हणतात.
नवीन बदलांनंतर पोर्टेबिलिटीशी संबंधित महत्त्वाच्या गोष्टी समजून घ्या
प्रीमियमसह सर्व माहिती मिळवा
तुम्ही तुमची हेल्थ इन्शुरन्स पॉलिसी पोर्ट करता तेव्हा नवीन कंपनी तुमचे प्रीमियम दर ठरवण्यास स्वतंत्र असते. जर तुम्ही पोर्टिंग करत असताना हाय रिस्क कॅटेगिरीत येत असाल तर नवीन कंपनी तुमच्याकडून जुन्या कंपनीपेक्षा जास्त प्रीमियम आकारू शकते. अशा परिस्थितीत, पोर्टिंग करण्यापूर्वी, त्याबद्दल सविस्तरपणे माहिती घ्यावी आणि आपण एक नाही तर तीन-चार इन्शुरन्स कंपन्यांच्या प्लॅन्सची संपूर्ण माहिती गोळा केली पाहिजे. यानंतरच, तुमची हेल्थ इन्शुरन्स पॉलिसी ज्या प्लॅनमध्ये तुम्ही समाधानी आहात त्यामध्ये पोर्ट करा.
नवीन कंपनीचे कव्हरेज, लिमिट आणि सब-लिमिट समजून घ्या
अनेक लोकं इन्शुरन्स पॉलिसी पोर्ट करतात कारण दुसरी कंपनी कमी प्रीमियम ऑफर करते. नवीन कंपनीचे कव्हरेज, लिमिट आणि सब-लिमिट समजून घ्या. जेणेकरून क्लेम करताना तुमचा त्रास वाचू शकेल. यासोबतच पॉलिसी बदलताना आणखी एक गोष्ट लक्षात ठेवणे अत्यंत आवश्यक आहे ती म्हणजे जर तुम्ही नवीन कंपनीची ऑफर पाहून तुमची पॉलिसी बदलत असाल तर त्याआधी इतर कंपन्यांच्या ऑफरशी तुलना करा.
पॉलिसी किती दिवसात पोर्ट केली जाते?
तुम्हाला जर तुमची हेल्थ इन्शुरन्स पॉलिसी पोर्ट करायची असेल तर तुम्ही हेल्थ इन्शुरन्स योजनेच्या रिन्यूअलच्या किमान 45 दिवस आधी प्रक्रिया सुरू करणे आवश्यक आहे. पॉलिसी पोर्ट करण्याबाबत तुम्हाला तुमच्या सध्याच्या इन्शुरन्स कंपनीला कळवावे लागेल. तुम्हाला नवीन इन्शुरन्स कंपनीची माहिती देखील द्यावी लागेल. तुमची मुदत न मोडता तुम्हाला पॉलिसीचे रिन्यूअल करावे लागेल, म्हणून पोर्टिंग प्रक्रियेच्या सुरुवातीला 30 दिवसांचा वाढीव कालावधी आहे.
कोणत्या समस्या उद्भवल्यावर कंपनी बदलली जाते
खराब कंपनी सर्व्हिस
पॉलिसीचे कमी फायदे
अपुरे कव्हर
डिजिटल फ्रेंडली नाही
खोली भाड्याची कमाल मर्यादा
अवघड क्लेम सेटलमेंटची प्रक्रिया
क्लेम कव्हर देण्यात होणार उशीर
पारदर्शकतेचा अभाव