नवी दिल्ली । केंद्रीय गृहमंत्रालयाने राष्ट्रीय तपास संस्थेला NIA ला गुजरातमधील मुंद्रा बंदरात या वर्षी जूनमध्ये एका शिपिंग खेपेचा तपास करण्याचे आदेश दिले आहेत. सूत्रांनी ही माहिती दिली आहे. जूनमधील खेप सप्टेंबरमध्ये जप्त करण्यात आलेल्या हेरॉइनच्या दुप्पट असल्याचे सूत्रांचे म्हणणे आहे. ते म्हणाले की,” ही खेप दिल्लीस्थित एका व्यावसायिकाच्या नावावर होती, जो आता बंदरावर 3,000 किलो हेरॉईन जप्त करण्याच्या तपासाच्या केंद्रस्थानी आहे.” आता दोन्ही प्रकरणांचे एकत्रीकरण होणार असल्याचे सूत्रांनी सांगितले.
सूत्रांनी सांगितले की,”NIA कडे सोपवण्यात आलेला हा गुन्हा महसूल गुप्तचर संचालनालयाच्या (DRI) दिल्ली युनिटने सप्टेंबरमध्ये नोंदवला होता. सूत्रांनी दिलेल्या माहितीनुसार, ही खेप अफगाणिस्तानमधील त्याच ड्रग डीलरने पाठवली होती, ज्याचा हेरॉइन प्रकरणात कथित सहभाग होता. विशेष म्हणजे याच गटातील लोकांचा यात सहभाग होता. हे देखील त्याच मार्गाने डिलिव्हरी करण्यात आल्याची माहिती आहे. 21,000 कोटी रुपयांचे 3000 किलो हेरॉईन जप्त केल्यानंतर सप्टेंबरमध्ये मुंद्रा बंदरातून चार अफगाण नागरिक, एक उझबेक आणि तीन भारतीयांसह आठ जणांना अटक करण्यात आली होती.
अटक करण्यात आलेल्यांमध्ये भारतीय जोडपे एम सुधाकर आणि त्यांची पत्नी दुर्गा वैशाली यांचा समावेश आहे. तो विजयवाडा येथे मेसर्स आशी ट्रेडिंग कंपनी चालवत असे. हा माल भारतात मागवण्यात आल्याचा दावा त्यांनी केला. त्यामध्ये एक प्रकारचा दगड (टॅल्क स्टोन) भरले आहे. यातील एक आरोपी फरार असल्याची माहिती पोलीस सूत्रांनी दिली. त्याचे नाव हे आडनाव असावे किंवा त्याने जाणूनबुजून नाव बदलले असावे, असा संशय तपासकर्त्यांना आहे. त्याच वेळी, सर्व ज्ञात पत्ते आणि कॉन्टॅक्ट नंबर इत्यादी इनव्हॅलिड झाले आहेत.
सूत्रांनी दिलेल्या माहितीनुसार, कुलदीप सिंगला जूनची खेप मिळाली होती जी राजस्थानमधील एका ट्रान्सपोर्टरद्वारे अर्धवट-प्रक्रिया केलेले टॅल्क स्टोन म्हणून घोषित करण्यात आली होती. सप्टेंबरमध्ये DRI ने जप्त केलेल्या हेरॉइनच्या खेपेच्या तुलनेत ही खेप दुप्पट होती. तर DRI च्या अधिकाऱ्यांनी सप्टेंबर महिन्यात हेरॉईनचा माल जप्त केला होता. ते जूनमधील शिपमेंट चुकले जे कुलदीप सिंगला यशस्वीरित्या डिलिव्हर केले गेले.
News18.com ने मिळवलेल्या संयुक्त चौकशी रिपोर्ट नुसार, जूनची खेप अफगाण ड्रग डीलर हसन हुसैन याने विजयवाडा येथील सुधाकरला पाठवली होती. त्याबदल्यात कुलदीप सिंगने माल आणला होता. मात्र आर्थिक अडचणींमुळे माल मुंद्रा बंदरात अडकला होता. सुधाकरने कुलदीप सिंगकडे मदत मागितली आणि काही मिनिटांतच कुलदीप सिंगने 3 लाख रुपये दिले आणि उर्वरित रकमेची व्यवस्था हवाला मधून केल्याचे सांगण्यात येते. या रिपोर्टमध्ये असेही म्हटले गेले आहे की, कंपनीने (आशी ट्रेडिंग कंपनी) 6 जून 2021 रोजी मुंद्रा बंदर (गुजरात) येथे यशस्वीरित्या त्यांची पहिली खेप डिलिव्हर केली होती. मालामध्ये अर्धवट-प्रक्रिया केलेली टॅल्क पावडर होती आणि ती खेप दिल्लीची होती. जी कुलदीप सिंग रा. अलीपूर नवी दिल्ली याच्याकडे पाठवायची होती.