क्षुल्लक कारणावरून पती – पत्नीमध्ये वाद झाला अन्…

भंडारा : हॅलो महाराष्ट्र – भंडाऱ्यात एक मन हेलावून टाकणारी घटना घडली आहे. यामध्ये पती- पत्नीमध्ये एका क्षुल्लक कारणावरून वाद झाला. यानंतर दोघांनीही स्वतःला जाळून घेऊन आपल्या आयुष्याचा शेवट केला आहे. कारधा येथे मध्यरात्री हि घटना घडली आहे. या घटनेत दोघांचाही मृत्यू झाला तर त्यांचा तीन वर्षांचा मुलगा बचावला आहे. मृत व्यक्तीची नावे महेंद्र सिंगाडे आणि मेघा सिंगाडे अशी आहेत. शनिवारी मध्यरात्री त्यांच्यातील वाद एवढा विकोपाला गेला कि तुही नको नि मीही नाही, असं म्हणून महेंद्रने आधी स्वतःवर रॉकेल ओतले. नंतर पत्नी मेघावर रॉकेल ओतून दोघांना पेटवून घेतले.

चिमुकल्यावर रुग्णालयात उपचार
घरगुती भांडणाच्या कारणातून महेंद्रने पत्नी मेघासह आपल्या 3 वर्षीय मुलाला जाळून घेत आत्महत्येचा प्रयत्न केला. यामध्ये पती-पत्नीचा जागीच मृत्यू झाला तर 3 वर्षीय मुलावर भंडारा सामान्य रुग्णालयात उपचार सुरू आहेत. कारधा पोलिसांना या घटनेची माहिती मिळताच पोलिसांनी घटनास्थळी धाव घेऊन घटनास्थळाचा पंचनामा केला आहे.

तर दुसरीकडे रामटेक तालुक्यातील बनपुरी गावात प्रणाली रामकृष्ण धावडे या महिलेचे तिच्या सासूशी काही कारणावरून भांडण झाले. यानंतर प्रणालीने आपल्या मुलाला विष पाजून स्वतःही विष प्राशन केले. यामध्ये मुलगा वेदांतचा मृत्यू झाला तर शेजाऱ्यांनी वेळेत रुग्णालयात दाखल केल्यामुळं प्रणालीचा जीव वाचला आहे. तिच्यावर रामटेक येथील खासगी रुग्णालयात उपचार सुरू आहेत.