चिपळूण | सरपंच असणाऱ्या बायकोचा तिच्याच नवऱ्याने खून केल्याची धक्कादायक घटना चिपळून येथे घडली. रुपाली जाधव असे मृत्युमुखी पडलेल्या महिलेचे नाव असून दीपक जाधव या तिच्याच पतीने तिला मारून टाकल्याचे समोर आले आहे. सदर घटना चिपळूण तालुक्यातील कादवड गावी शनिवारी सकाळी घडली आहे.
रुपाली जाधव यांच्या खुनाने कादवड गावावर दुःखाचे सावट पसरले आहे. दीपक जाधव पोलिसांना स्वाधीन झाला असून घटनेचे कारण अद्याप स्पष्ट करण्यात आले नाही. चिपळून पोलीस अधिकचा तपास करत आहेत.