नवी दिल्ली । कोरोनाव्हायरस साथीच्या आजारापासून बचाव करण्यासाठी भारतीय रेल्वे सुरक्षेच्या सर्व नवीन उपायांचा अवलंब करण्यााच निर्धार केला आहे. कोविड-१९च्या परिस्थितीत तिकीट काउंटर आणि लोकांपासून कमी संपर्क साधण्यासाठी रेल्वेत नवीन नियम लागू केला जाणार आहे. भारतीय रेल्वेने सर्व रेल्वे तिकिटांमध्ये क्यूआर कोड सिस्टम लागू करण्याचा निर्णय घेतला आहे. ( Indian Railways has decided to implement QR Code System in all train tickets) लवकरच आपल्याला रेल्वेमध्ये प्रवास करण्यासाठी फक्त तिकिट नसून केवळ क्यूआर कोड आवश्यक असेल.
मोबाइल फोनमध्ये क्यूआर कोड आवश्यक
विमानतळांप्रमाणेच रेल्वेदेखील क्यूआर कोडसह कॉन्टॅक्टलेस तिकिटे देण्याचे विचार करीत आहे. रेल्वे स्टेशन आणि रेल्वेमध्ये मोबाइल फोनवरून स्कॅन करता येईल. रेल्वे बोर्डाचे अध्यक्ष व्ही.के. यादव यांनी सांगितले की सध्या रेल्वेची ८५ टक्के तिकिटे ऑनलाईन बुक केले जात आहेत आणि काउंटरवरून तिकिटे खरेदी करणाऱ्यांसाठी क्यूआर कोडची व्यवस्था केली जाईल.
अशाप्रकारे क्यूआर कोड मिळेल
यादव म्हणाले, “आम्ही क्यूआर कोड प्रणाली आणत आहोत, जी तिकिटावर दिली जाईल. ऑनलाइन खरेदी करणार्‍यांना तिकिटावर कोड देण्यात येईल. तिकीट खिडकीवर सुद्धा जेव्हा एखाद्याला कागदाची तिकिट दिले जाईल त्यावेळी त्याच्या मोबाइल फोनवर एक मेसेज पाठविला जाईल. ज्यात क्यूआर कोडची लिंक असेल. आपण ही लिंक ओपन केली की तुम्हाला क्यूआर कोड दिसून येईल. यानंतर, तिकीट तपासणीस स्टेशन किंवा रेल्वेमध्ये एक फोन किंवा उपकरणे असतील ज्यामधून प्रवाश्याच्या तिकिटाचा क्यूआर कोड स्कॅन केला जाईल. अशा प्रकारे तिकिटे तपासण्याची प्रक्रिया पूर्णपणे संपर्कहीन होईल. ”
सध्या रेल्वेचे तिकीट पूर्णपणे पेपरलेस होण्याची योजना नाही, परंतु आरक्षित, अनारक्षित आणि प्लॅटफॉर्म तिकिटांचे ऑनलाइन बुकिंग सुरू केल्याने कागदाचा वापर मोठ्या प्रमाणात कमी होईल.
कोलकाता मेट्रोमध्येही ही नवीन सेवा सुरू
कोलकाता मेट्रोची ऑनलाईन रिचार्ज सुविधा सुरू केली गेली आहे. विमानतळाप्रमाणेच प्रवागराज जंक्शन स्टेशनवर सर्व प्रवाश्यांनी स्टेशनमध्ये प्रवेश करताच संपर्कविहीन तिकीट तपासणीची प्रक्रिया सुरू केली आहे. यादव म्हणाले की, आयआरसीटीसी वेबसाइटचे पूर्णपणे नुतनीकरण केले जाईल आणि ही प्रक्रिया सोपी, सोयीस्कर केली जाईल आणि हॉटेल आणि जेवणांच्या बुकिंगशी जोडले जाईल. रेल्वेने भारतीय अंतराळ संशोधन संस्थेशी (इस्त्रो) सामंजस्य करार केला असून त्या अंतर्गत उपग्रहाद्वारे गाड्यांचे परीक्षण केले जाऊ शकते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”