Wednesday, February 8, 2023

सरकारी ते खासगी बनलेल्या IDBI Bank ने आपल्या ग्राहकांना केले अलर्ट

- Advertisement -

नवी दिल्ली । जर आपले बँक अकाउंट IDBI Bank मध्ये असेल तर आपल्यासाठी ही बातमी महत्त्वपूर्ण आहे, कारण बँकेने आपल्या ग्राहकांना सावध केले आहे. बँकेने ग्राहकांना आपल्या बँकेच्या वेबसाइटवर लॉग इन करताना अत्यंत सावधगिरी बाळगण्यास सांगितले आहे, कारण बँकेच्या वेबसाइटसारखीच एक वेबसाइट तयार करून, फसवणूक करणारे आपल्या खात्याची पर्सनल डिटेल्स चोरून आपल्या खात्यातून पैसे काढून घेऊ शकतात. IDBI ही एक सरकारी बँक होती, जी 1964 मध्ये देशात स्थापन झाली. LIC ने 21000 कोटी रुपयांची गुंतवणूक करुन IDBI चा 51 टक्के हिस्सा खरेदी केला आहे. यानंतर LIC आणि सरकारने मिळून IDBI Bank ला 9300 कोटी रुपये दिले. IDBI बँकेत LIC ची टक्के आणि सरकारची 47 टक्के शेअर्स आहेत.

आयडीबीआय बँकेने आपल्या ट्विटर हँडलवर एक इमेज शेअर करत म्हटले आहे की, फसवणूक करणार्‍यांनी IDBI Bank सारखा हुबेहूब दिसणारा फॉन्ट, लोगो आणि रंगासह एक वेबसाइट तयार केली आहे. ज्याचे नाव IDBI Bank असे आहे. पण सहसा ते नुसता पाहण्यावरून समजत नाही. म्हणूनच वेबसाइटवर एन्ट्री करण्यासाठी नेहमी IDBI Bank टाइप करा.

- Advertisement -

https://twitter.com/IDBI_Bank/status/1318016518702178304?ref_src=twsrc%5Etfw%7Ctwcamp%5Etweetembed%7Ctwterm%5E1318016518702178304%7Ctwgr%5Eshare_3%2Ccontainerclick_1&ref_url=https%3A%2F%2Fhindi.news18.com%2Fnews%2Fbusiness%2Fidbi-bank-alert-fraudsters-use-websites-that-look-similar-to-genuine-ones-is-it-safe-to-invest-in-idbi-bank-3300094.html

नॅशनल पेमेंट कॉर्पोरेशन ऑफ इंडिया अर्थात NPCI ने नुकतेच एक व्हिडिओ प्रसिद्ध केला आहे ज्यामध्ये लोकांना अशी फसवणूक टाळण्यासाठी सतर्क केले गेले.

फसवणूक टाळण्यासाठीच्या स्टेप्स 

(1) आपल्या डेबिट कार्ड आणि क्रेडिट कार्डची माहिती कोणाबरोबरही शेअर करू नका.

(2) ओटीपी, युनिफाइड पेमेंट इंटरफेस आयडी आणि पिनच्या डिटेल्स फोनवर कोणाबरोबर शेअर करू नका.

(3) सिम स्वॅप किंवा स्पूफिंगसारख्या फसवणूक टाळण्यासाठी कोणत्याही नंबरवर आपली बँकिंग डिटेल्स शेअर करू नका.

(4) सिक्योर पेमेंट गेटवेद्वारे द्या.

(5) कोणत्याही ट्रान्सझॅक्शनच्या डिटेल्स सोशल मीडियावर शेअर करू नका.

(6) आपल्या बँक खात्यातून काही ट्रान्सझॅक्शन किंवा फसवणूक झाल्यास आपण त्वरित संबंधित बँकेला कळवावे.

IDBI Bank ने व्हॉट्सअॅप बँकिंग सुरू केली आहे, घरबसल्या ‘या’ सुविधा फ्री मध्ये उपलब्ध होतील 

IDBI Bank ने व्हॉट्सअॅप वर आपल्या ग्राहकांसाठी बँकिंग सेवा सुरू केली आहे. सर्व ग्राहकांना आता सुविधेद्वारे बेसिक बँकिंग सेवा सहज मिळू शकतील. व्हॉट्सअॅप बँकिंगचा फायदा घेण्यासाठी ग्राहकाने आपल्या फोनमध्ये बँकेचा व्हॉट्सअॅप नंबर सेव्ह करुन त्याचा व्हॉट्सअॅप नंबर बँकेला द्यावा लागेल. यानंतर, बँक आपल्या व्हॉट्सअॅप नंबरवर ही सुविधा सुरू करेल. आपल्या नंबरवर ही सुविधा सुरू करण्यासाठी तुम्हाला बँकेशी संपर्क साधावा लागेल.

ही वैशिष्ट्ये उपलब्ध असतील

व्हॉट्सअॅप बँकिंग सेवा ग्राहकांना अकाउंट बॅलन्सची माहिती, शेवटचे 5 ट्रान्सझॅक्शन, चेक बुकसाठी अर्ज करणे, ईमेलद्वारे स्टेटमेंट, व्याज दर तसेच जवळच्या आयडीबीआय बँक शाखा व एटीएमची माहिती पुरविते. दिले जाईल या सुविधेचा लाभ (24X7) घेता येईल.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.