नवी दिल्ली । कोरोना काळातील लॉकडाऊन काळापासून बॉलिवूड अभिनेता सोनू सूद कोट्यावधी लोकांना खूप मदत करत आहे. त्याचा हा ट्रेंड अद्यापही संपलेला नाही. सोनू सूदने परदेशात काम करणाऱ्या मजुरांना आणि विद्यार्थ्यांना मागील वर्षातच वेगवेगळ्या भागात आणि परदेशात मदत केली आहे. विशेष म्हणजे बॉलिवूडच्या या कलाकारानेही आपली मदत करण्याची पद्धत ही वेळ आणि गरजेनुसार बदलली आहे. आता सोनू सूद कोणाच्या तरी परीक्षेच्या तयारीत तर कोणावर फ्री मध्ये उपचार करत आहे. यावेळी त्याने आता एक नवीन उपक्रम सुरू करण्याची घोषणा केली आहे. चला तर मग त्याबद्दल जाणून घेऊयात …
वास्तविक सोनू सूद बेरोजगार तरुणांसाठी एक नवीन योजना घेऊन येत आहे. त्याच्या नवीन योजनेबद्दल सर्वात महत्वाची गोष्ट म्हणजे आपल्या खिशात पैसे नसले तरीही आपण आपला स्वतःचा व्यवसाय सुरू करण्यास सक्षम असाल आणि आपल्याला मालक बनून आपला व्यवसाय चालवण्याची संधी मिळेल. त्याने स्वत: ट्विटरवर याबाबतची माहिती दिली आहे.
त्याने ट्विटरवर एक फोटो शेअर करुन याबाबतची माहिती दिली आहे. या पोस्टरच्या कॅप्शनमध्ये त्याने लिहिले आहे, ‘सज्ज व्हा.’ पोस्टरवर असे लिहिले आहे की,”आता झिरो इन्व्हेस्टमेंटमध्ये स्वतःचे बॉस व्हा. आपल्या गावात स्वतःचा व्यवसाय करा. या नवीन उपक्रमांतर्गत आम्ही गावातील तरुणांना सक्षम बनवण्याचा प्रयत्न करू.”
सोनू सूद ने सोशल मीडियावर ही माहिती शेअर केल्यानंतर लोकांनीही त्यावर विविध प्रतिक्रिया दिल्या आहेत. या उपक्रमाचे त्यांनी जोरदार कौतुक केले आहे. एका व्यक्तीने त्याच्या ट्विटला उत्तर देताना आपल्या रिप्लायमध्ये लिहिले आहे की,”तराजूच्या एका पारड्यात सरकार, तर दुसर्‍या पारड्यात सोनू सूद, तरीही सोनू सारख्या मोठ्या जनहिताच्या कामासाठी … काळीज मोठे असले पाहिजे, मग अवघड कामं देखील कठीण अवस्थेतून अगदी सहजपणे होऊन जातील… खरंच इतरांसाठी काहीतरी केल्याने एक वेगळाच आनंद मिळतो, जर तुमचा विश्वास नसेल तर तुम्ही देखील प्रयत्न करून बघा.”
स्थलांतरित मजुरांना मदत करुन सुरुवात केली
लॉकडाऊन दरम्यान, सोनू सूद याने पहिल्यांदाच हजारो स्थलांतरित कामगारांना त्यांच्या घरी पोहोचवून लोकांना मदत करण्यास सुरवात केली. यानंतर लाखो लोकांनी त्याची मदत घेतली. तसेच सोनू सूदनेही यांपैकी कोणालाही निराश केले नाही. जेव्हा बिहार आणि आसाममध्ये पूर आला होता, तेव्हादेखील त्याने अनेक लोकांना मदत केली. यानंतर, त्याने एका नवीन मोहिमेअंतर्गत गरजूंना रोजगार देण्यास मदत केली. अलीकडेच त्याने आपल्या मूळ गावी मोगामध्ये ई-रिक्षांचे वितरण सुरू केले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.