नवी दिल्ली । आपल्याकडे स्वतःचे वाहन असेल आणि आपण दररोज टोल प्लाझावरून येत असाल तर ही बातमी आपल्याला आनंद देईल. नॅशनल हायवे अथॉरिटी ऑफ इंडियाने (NHAI) टोल प्लाझाचे नियम अपडेट करुन मोठा बदल केला आहे. टोल प्लाझावर टोल टॅक्स भरण्यासाठी गाड्यांची आणि लांब पल्ल्यांची गर्दी होऊ नये म्हणून सरकारने फेब्रुवारी 2021 पासून महामार्गावरील प्रवास सुलभ करण्यासाठी फास्ट टॅग सिस्टीम अनिवार्य केली होती.
नवीन नियम काय आहे – आता टोल प्लाझावर टोल टॅक्स वसूल करण्यासाठी शासनाने एक महत्त्वपूर्ण नियम बनविला आहे, त्यानुसार जर आपले वाहन टोल प्लाझावर 100 मीटरपेक्षा जास्त जाम झाले किंवा टॅक्स भरताना आपल्याला जर 10 सेकंदापेक्षा जास्त वेळ थांबावं लागलं तर आपल्याकडून आपल्या वाहनासाठी टोल टॅक्स आकारला जाणार नाही. या दोन्ही प्रकरणांमध्ये, टोल टॅक्स आपल्यासाठी मोफत केला जाईल. टोल प्लाझावर लांब पल्ल्याच्या गाड्यांमुळे ट्रॅफिक जाम सारखी परिस्थिती निर्माण होऊ नये आणि आपला प्रवास सुरळीत सुरू राहील, यासाठी हे सरकार करीत आहे.
हा बदल दिसून येईल – हा नवीन नियम लागू करण्यासाठी टोल कलेक्शन पॉइंट वर पिवळ्या रेषा ओढल्या जातील, टोल कंत्राटदारास सूचना देण्यात येईल की, गाड्यांची लाईन यलो लाइनच्या पलीकडे गेली तर वाहनचालकांकडून टोल आकारू नये. नॅशनल हायवे अथॉरिटीच्या म्हणण्यानुसार, फास्ट टॅग अनिवार्य झाल्यानंतर बहुतेक टोल प्लाझामधील वाहनांवर टोल टॅक्स खूप वेगवान झाला आहे, ज्यामुळे 100 मीटर लांबीची लाईन लागत नाही. नॅशनल हायवे अथॉरिटीच्या आकडेवारीनुसार आता टोल प्लाझावरील 96 टक्के वाहने फास्ट टॅगच्या माध्यमातून टोल टॅक्स भरतात. त्याच देशातील काही टोल प्लाझामध्ये ही आकडेवारी 99 टक्क्यांपर्यंत आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा
Click Here to Join Our WhatsApp Group