नवी दिल्ली । जर तुमचा CIBIL स्कोअर 700 च्या वर असेल तर तुमच्यासाठी एक आनंदाची बातमी आहे. LIC Housing finance कमी व्याजदराने होम लोन देत आहे. LIC Housing finance ने नवीन ग्राहकांचा व्याजदर 6.90 टक्के केला आहे. होम लोन वरील हा आतापर्यंतचा सर्वात कमी व्याजदर आहे. ज्या ग्राहकांचा CIBIL स्कोअर 700 किंवा त्यापेक्षा जास्त आहे त्यांना या दराने लोन मिळेल.
ग्राहकाचा CIBIL स्कोअर त्याने आधी कोणतेही लोन घेतले आहे की नाही यावर अवलंबून आहे आणि जर त्याने लोन घेतले असेल तर त्याने ते वेळेवर भरले आहे की नाही यावर अवलंबून आहे. CIBIL स्कोअर तपासताना अशा काही इतर पैलू देखील लक्षात ठेवल्या जातात.
कर्जाची मर्यादा जाणून घ्या
LIC Housing finance च्या मते, 50 लाख रुपयांपर्यंतच्या कर्जावरील व्याज दर 6.90 टक्क्यांपासून सुरू होईल जे CIBIL मध्ये 700 किंवा त्यापेक्षा जास्त स्कोअर असलेल्या ग्राहकांसाठी असेल. समान स्कोअरसह 80 लाख रुपयांपेक्षा जास्त कर्ज घेणाऱ्यांसाठी 7 टक्के व्याज दर असेल.
CIBIL क्रेडिट स्कोअर कसा तपासावा ?
>> CIBIL वेबसाइट https://www.cibil.com/ वर जा आणि पेजच्या वरच्या उजव्या कोपऱ्यात ‘Get Your CIBIL Score’ वर क्लिक करा.
>> हे तुम्हाला सब्‍सक्रिप्‍शन ऑप्‍शंस पेजवर घेऊन जाईल. फ्री ऑप्‍शनसाठी तुम्हाला खाली स्क्रोल करावे लागेल.
>> आता खाते तयार करा आणि आवश्यक तपशील भरल्यानंतर ‘एक्‍सेप्‍ट अँड कंटीन्‍यू’ वर क्लिक करा.
>> आपली ओळख वेरिफाय करावी लागेल.
>> तुम्ही दिलेल्या मोबाईल क्रमांकावर तुम्हाला वन टाइम पासवर्ड (OTP) मिळेल. OTP एंटर करा आणि ‘कंटीन्‍यू’ वर क्लिक करा.
>> डॅशबोर्डवर जा तुम्हाला तुमची एनरोलमेंटची पुष्टी करणाऱ्या एका नवीन विंडोवर नेले जाईल.
>> यासंदर्भात तुम्हाला एक ई-मेलही पाठवला जाईल. तुमचा क्रेडिट स्कोअर तपासण्यासाठी ‘Go to Dashboard’ वर क्लिक करा.
>> CIBIL स्कोअर पहा तुम्हाला myscore.cibil.com वर डायरेक्ट केले जाईल. येथे आपण आपला CIBIL स्कोअर आणि CIBIL रिपोर्ट फ्रीमध्ये तपासू शकता.