सातारा | सातारा जिल्ह्यात सोमवारी रात्री 12 वाजता आलेल्या रिपोर्टमध्ये नवे कोरोना 622 पाॅझिटीव्ह आले आहेत. तर काल दिवसभरात 1 हजार 237 जण कोरोनामुक्त होवून घरी सोडण्यात आल्याची माहीती जिल्हा शल्यचिकित्सक डाॅ. सुभाष चव्हाण यांनी दिली. रात्री आलेल्या रिपोर्टमध्ये 7 हजार 110 चाचण्या तपासण्यात आल्यानंतर त्यामध्ये पाॅझिटीव्ह रेट 8.7 टक्के इतका आहे.
जिल्ह्यात उपचार्थ असलेल्या कोरोनाबाधितांची 10 हजार 705 झाली आहे. जिल्ह्यात आजपर्यंत एकूण कोरोनाबधितांची संख्या 2 लाख 20 हजार 950 इतकी झाली आहे. तर जिल्ह्यात एकूण 2 लाख 7 हजार 85 बरे झालेली रुग्णसंख्या आहे. तर कालपर्यंत 5 हजार 327 बाधितांचा मृत्यू झाला आहे. रविवारी दिवसभरात 15 कोरोना बाधितांचा दुर्देवी मृत्यू झाला आहे.
जिल्ह्यासाठी आज जिल्हाधिकारी काढणार नवा आदेश ?
ज्या 11 जिल्ह्यांमध्ये तिसऱ्या पातळीचे निर्बंध लागू राहतील ते जिल्हे पुढीलप्रमाणे आहेत : कोल्हापूर, सांगली, सातारा, पुणे, रत्नागिरी, सिंधुदुर्ग, सोलापूर, अहमदनगर, बीड, रायगड, पालघर. या जिल्ह्यांपैकी सिंधुदुर्ग, सातारा, अहमदनगर येथे मोठ्या प्रमाणावर पॉझिटीव्हिटी दर आणि दैनंदिन वाढती रुग्ण संख्या पाहता या जिल्ह्यांतील स्थानिक आपत्ती व्यवस्थापन प्रशासन किती प्रमाणात कडक निर्बंध लावायचे त्याचा निर्णय घेतील. त्यामुळे सातारा जिल्ह्यासाठी जिल्हाधिकारी काय आदेश काढणार याकडे जिल्हावासियांचे लक्ष लागून राहिले आहे.