सातारा | सातारा जिल्ह्यात शनिवारी रात्री 12 वाजता आलेल्या रिपोर्टमध्ये नवे कोरोना 675 पाॅझिटीव्ह आले आहेत. तर काल दिवसभरात 866 जण कोरोनामुक्त होवून घरी सोडण्यात आल्याची माहीती जिल्हा शल्यचिकित्सक डाॅ. सुभाष चव्हाण यांनी दिली. रात्री आलेल्या रिपोर्टमध्ये 11 हजार 577 चाचण्या तपासण्यात आल्यानंतर त्यामध्ये पाॅझिटीव्ह रेट 5. 8 टक्के इतका आहे.
जिल्ह्यात उपचार्थ असलेल्या कोरोनाबाधितांची 11 हजार 351 झाली आहे. जिल्ह्यात आजपर्यंत एकूण कोरोनाबधितांची संख्या 2 लाख 19 हजार 684 इतकी झाली आहे. तर जिल्ह्यात एकूण 2 लाख 5 हजार 518 बरे झालेली रुग्णसंख्या आहे. तर कालपर्यंत 5 हजार 297 बाधितांचा मृत्यू झाला आहे. गुरूवारी दिवसभरात 16 कोरोना बाधितांचा दुर्देवी मृत्यू झाला आहे.
शनिवारी रात्री आलेल्या रिपोर्टमध्ये पाॅझिटीव्ह रेट कमी आले आहे. सातारा जिल्ह्यात कराड, वाई, सातारा व फलटण शहरात आॅनलाईन बुकींग करून लसीकरण करण्यात येत आहे. मात्र याठिकाणीच लशी कमी प्रमाणात येत आहेत. तसेच लसीकरणासाठी नोंद करत आहेत. लसीकरण नोंदणी लसी कमी असल्याने अवघ्या काही मिनिटांतच बुकींग फुल्ल होत आहे.