Wednesday, October 5, 2022

Buy now

इन्कम टॅक्स अलर्ट: करदात्यांना आता पूर्ण करावी लागेल ‘ही’ प्रक्रिया, त्यासाठीची शेवटची तारीख जाणून घ्या

नवी दिल्ली । इनकम टॅक्स डिपार्टमेंटने करदात्यांना रिमाइंडर जारी केले आहे. यानुसार, ज्या आयकरदात्यांची प्रकरणे तपासात आहेत, त्यांना ही प्रक्रिया 31 2022 पर्यंत पूर्ण करावी लागेल. इनकम टॅक्स डिपार्टमेंटने करदात्यांना जारी केलेल्या नोटीसमध्ये दिलेल्या वेळेचे पालन करण्यास सांगितले आहे.

इन्कम टॅक्स इंडियाने ट्विट केले आहे की, “ज्यांच्या प्रकरणांची छाननी सुरू आहे अशा करदात्यांना 31.03.2022 पर्यंत प्रक्रिया पूर्ण करण्यासाठी ही एक सौम्य आठवण आहे!”

इनकम टॅक्स डिपार्टमेंटने ट्विट केले, “इनकम टॅक्स डिपार्टमेंटने तुम्हाला पाठवलेल्या नोटिसमध्ये तुमच्याकडून विचारलेल्या सर्व माहिती/तपशीलांचे वेळेवर पालन केल्याची खात्री करा. नोटीसचे पालन न केल्यास रेकॉर्डवरील माहितीच्या आधारे सर्वोत्तम निर्णयाचे मूल्यांकन होऊ शकते.”

income tax notice

आतापर्यंत जारी केलेल्या 1,83,579 कोटी रुपयांहून अधिकचे रिफंड
इन्कम टॅक्स इंडियाने असेही नोंदवले आहे की सेंट्रल बोर्ड ऑफ डायरेक्ट टॅक्सेस (CBTD) ने 2.09 कोटी करदात्यांना 1,83,579 कोटी रुपयांपेक्षा जास्त रिफंड जारी केला आहे.

इनकम टॅक्स डिपार्टमेंटनुसार, 2,07,27,503 प्रकरणांमध्ये 65,938 कोटी रुपयांचा इनकम टॅक्स रिफंड जारी करण्यात आला आहे आणि 2,30,566 प्रकरणांमध्ये 1,17,641 कोटी रुपयांचा कॉर्पोरेट टॅक्स रिफंड जारी करण्यात आला आहे. यामध्ये मूल्यांकन वर्ष 2021-22 साठी 1.70 कोटी टॅक्स रिफंड समाविष्ट आहे, जो 34,202.31 कोटी रुपये आहे.