नवी दिल्ली । इनकम टॅक्स डिपार्टमेंटने चालू आर्थिक वर्षात (2021-22) 7 फेब्रुवारीपर्यंत 1.87 कोटींहून जास्त करदात्यांना 1.67 लाख कोटींहून अधिकची रक्कम रिफंड केली आहे. हा आकडा 1 एप्रिल 2021 ते 7 फेब्रुवारी 2021 दरम्यान केलेल्या रिफंडचा आहे. यापैकी 28,704.38 कोटी रुपयांचे 1.48 कोटी रिफंड मूल्यांकन वर्ष 2021-22 साठी आहेत. यामध्ये पर्सनल इन्कम टॅक्स रिफंड 59,949 कोटी रुपये होता, तर कॉर्पोरेट्सचा टॅक्स रिफंड 1,07,099 कोटी रुपये होता.
इनकम टॅक्स डिपार्टमेंटने ट्विट करून सांगितले की, “CBDT ने 1 एप्रिल 2021 ते 7 फेब्रुवारी 2022 दरम्यान 1.87 कोटी करदात्यांना 1,67,048 कोटी रुपयांचा रिफंड जारी केला आहे. यापैकी 1.85 कोटी पर्सनल आयकरदात्यांना 59,949 कोटी रुपयांचा रिफंड जारी करण्यात आला आहे. तर 2.28 लाख प्रकरणांमध्ये 1,07,099 कोटी रुपयांचा कॉर्पोरेट टॅक्स रिफंड करण्यात आला आहे.”
गेल्या आर्थिक वर्ष 2020-21 मध्ये, प्राप्तिकर विभागाने 2.38 कोटी करदात्यांना 2.62 लाख कोटी रुपयांचा टॅक्स रिफंड जारी केला होता. हे 2019-20 या आर्थिक वर्षात जारी केलेल्या 1.83 लाख कोटी रुपयांच्या रिफंडच्या तुलनेत 43.2 टक्के जास्त आहे.
इनकम टॅक्स डिपार्टमेंटच्या नवीन वेबसाइटवरून रिफंडचे स्टेट्स तपासा-
>> सर्वप्रथम तुम्हाला http://www.incometax.gov.in या वेबसाइटवर जावे लागेल.
>> यूझर आयडी आणि पासवर्ड टाका.
>> लॉगिन केल्यानंतर तुम्हाला ई-फायलिंगचा पर्याय दिसेल.
>> आता तुम्ही इन्कम टॅक्स रिटर्न निवडा
>> त्यानंतर View File Return वर क्लिक करा.
>> आता तुमच्या आयटीआरचे डिटेल्स दाखवले जातील.
तुम्ही घरबसल्या इनकम टॅक्स डिपार्टमेंटकडे तक्रार करू शकता
कोणताही त्रास न होऊनही रिफंड आला नसेल, तर इनकम टॅक्स डिपार्टमेंटकडे तक्रार करता येईल. इनकम टॅक्स डिपार्टमेंटने यासाठी टोल फ्री क्रमांक जारी केला आहे. करदाते इनकम टॅक्स डिपार्टमेंटच्या ई-फायलिंग पोर्टलद्वारे देखील तक्रारी नोंदवू शकतात.