नवी दिल्ली । ITR भरण्याची तारीख 31 डिसेंबरपर्यंत वाढवण्यात आली आहे. जर तुम्ही ITR देखील सबमिट करत असाल तर व्याज उत्पन्नावरील टॅक्स नियमांची माहिती तुम्हाला लाभदायक ठरू शकते.
टॅक्स एक्सपर्ट वीरेंद्र पाटीदार स्पष्ट करतात की,” बँका वार्षिक 40,000 रुपयांपेक्षा जास्त व्याज उत्पन्नावर TDS कापतात (ज्येष्ठ नागरिकांसाठी 50,000 रुपये). व्याजाचे उत्पन्न यापेक्षा कमी असले तरी ते करपात्र उत्पन्नात जोडले जाते. ITR मध्ये याचा उल्लेख करावा लागेल. परंतु बँक, सहकारी संस्था किंवा पोस्ट ऑफिसच्या बचत खात्यावर मिळालेल्या एका विशिष्ट मर्यादेपर्यंतचे व्याज उत्पन्न टॅक्स फ्री आहे. याविषयी सविस्तरपणे जाणून घेऊयात…
फक्त 10 हजार रुपयांपर्यंतचे उत्पन्न टॅक्स फ्री आहे
जर तुम्हाला तुमच्या बचत बँक खात्यात एका वर्षात 10,000 रुपयांपर्यंत व्याज मिळत असेल तर इन्कम टॅक्स ऍक्ट 1961 च्या कलम 80TTA अंतर्गत तुम्हाला त्यावर इन्कम टॅक्स मधून सूट मिळते. हा लाभ 60 वर्षांखालील व्यक्ती किंवा हिंदू अविभक्त कुटुंबांना (HUFs) उपलब्ध आहे. जर तुमच्याकडे एकापेक्षा जास्त बँकांमध्ये बचत खाती असतील तर या सर्वांवर एकूण 10 हजार रुपयांपर्यंतचे उत्पन्न टॅक्स फ्री असेल. जर बचत खात्यावर वार्षिक 10,000 रुपयांपेक्षा जास्त व्याज असेल तर तुम्हाला अतिरिक्त रकमेवर इन्कम टॅक्स भरावा लागेल. त्याच वेळी, 60 वर्षांपेक्षा जास्त वयाच्या लोकांसाठी, बचत खात्यातून एका आर्थिक वर्षात 50,000 रुपयांपर्यंतचे उत्पन्न टॅक्स फ्री आहे.
FD, रिकरिंग डिपॉझिट्स आणि करंट अकाउंटवरील व्याज उत्पन्नावर सूट नाही
FD, रिकरिंग डिपॉझिट्स आणि करंट अकाउंटवरील व्याज उत्पन्नावर कोणतीही सूट नाही. FD आणि RD दोन्हीसाठी 40,000 रुपयांपेक्षा जास्त उत्पन्नावर TDS कापला जाईल. 60 वर्षांपेक्षा जास्त वय असलेल्यांसाठी ही मर्यादा 50 हजार रुपये आहे. परंतु व्याजाचे उत्पन्न यापेक्षा कमी असले तरी ते ITR मध्ये नोंदवावे लागेल आणि त्यावर निर्धारित स्लॅबनुसार टॅक्स भरावा लागेल.
पोस्ट ऑफिसमध्ये अधिक लाभ मिळवा
इन्कम टॅक्स ऍक्टच्या कलम 10 (15) (i) अंतर्गत, पोस्ट ऑफिसमधील बचत खात्यावर अतिरिक्त टॅक्स डिस्काउंट उपलब्ध आहे. पोस्ट ऑफिस सेव्हिंग अकाऊंटच्या एका खातेदाराच्या बाबतीत 3500 रुपये वार्षिक व्याज उत्पन्नासाठी आणि संयुक्त खात्याच्या बाबतीत 7000 रुपयांपर्यंत ही सूट लागू आहे.