Indian Railways: 1 फेब्रुवारीपासून सुरु होणार सर्व प्रवासी गाड्या? या व्हायरल बातमीमागील सत्य जाणून घ्या

नवी दिल्ली । 1 फेब्रुवारी 2021 पासून देशातील सर्व प्रवासी, लोकल आणि पॅसेंजर गाड्या चालवण्याचा निर्णय घेण्यात आला आहे …? जर तुम्हीही अशा काही बातम्या वाचल्या असतील, तर हे लक्षात घ्या की, भारतीय रेल्वेने (Indian Railways) अशी कोणतीही माहिती दिलेली नाही. सध्या सोशल मीडियावर (Social Media) अशा अनेक बातम्या मोठ्या प्रमाणात व्हायरल होत आहेत. या व्हायरल बातमीच्या सत्यतेसाठी पीआयबी फॅक्ट चेकद्वारे फॅक्ट चेक केले गेले आहे. या वृत्तामागील सत्य काय आहे ते जाणून घ्या …

पीआयबीने या बातमीची सत्यता तपासून पाहिली असून ही बातमी पूर्णपणे बनावट असल्याचे सांगितले. रेल्वेने अशी कोणतीही घोषणा केलेली नाही. रेल्वेचे माजी मुख्य कार्यकारी अधिकारी व्ही.के. यादव यांनी डिसेंबरमध्ये सांगितले होते की, गाड्या सामान्यपणे कधी धावतील यावर निर्णय होणे अद्याप बाकी आहे. यावर मंत्रालय निर्णय घेईल. जेव्हा कधी निर्णय घेतला जाईल, तेव्हा रेल्वेकडून याबाबत अधिकृत माहिती दिली जाईल.

पीआयबीने ट्विट करुन दिली माहिती
दावाः # Morphed फोटोमध्ये असा दावा केला जात आहे की, रेल्वे बोर्डाने 1 फेब्रुवारी 2021 पासून सर्व प्रवासी गाड्या, लोकल गाड्या आणि प्रवासी विशेष गाड्या सुरू करण्याची घोषणा केली आहे.

पीआयबी फॅक्टचेक : पीआयबीने सांगितले की, हा दावा खोटा आहे. अशी कोणतीही घोषणा रेल्वे मंत्रालयाने केलेली नाही

आपणही फॅक्टचेक करू शकता
आपल्यालाही जर असा मेसेज मिळाला असल्यास आपण https://factcheck.pib.gov.in/ किंवा व्हॉट्सअ‍ॅप नंबर +918799711259 किंवा ईमेलः [email protected] वर फॅक्ट चेकसाठी पीआयबीला पाठवू शकता. ही माहिती पीआयबी वेबसाइट https://pib.gov.in वर देखील उपलब्ध आहे.

कोरोना काळात बनावट बातम्या वाढत आहेत
कोरोना काळात देशभर ज्या प्रकारची परिस्थिती आहे, त्यामध्ये अनेक बनावट बातम्या मोठ्या प्रमाणात व्हायरल होत आहेत. भारत सरकारच्या प्रेस इन्फर्मेशन ब्युरोने या व्हायरल बातमीचा इन्कार करत म्हटले आहे की, सरकारने असा कोणताही निर्णय घेतलेला नाही. कोरोना कालावधीत अशा बनावट बातम्यांचा प्रसार होऊ नये म्हणून सरकारनेही अनेक प्रयत्न केले आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like