हॅलो महाराष्ट्र ऑनलाइन । कोरोनाव्हायरसने जगभरात थैमान घातलं आहे. कोरोना व्हायरसमुळ चीनमध्ये आतापर्यंत करोनाने ६१८ जणांचे बळी घेतले आहेत. कोरोना व्हायरसच्या प्रादुर्भावाला आळा घालण्यासाठी जगभरातील शास्त्रज्ञ अथक परिश्रम घेत आहेत. दरम्यान, शास्त्रज्ञांच्या मेहनतीला यश मिळाल्याची सुखद वार्ता ऑस्ट्रेलियामधून मिळत आहे. करोना विषाणूवर लस बनवण्याच्या अगदी जवळ गेल्याचा एका शास्त्रज्ञाने दावा केला आहे. विशेष म्हणजे ऑस्ट्रेलियातील एका अनिवासी भारतीय शास्त्रज्ञाने हा दावा केल्याची माहिती समोर आली आहे. एस. एस. वासन असं या शास्त्रज्ञाने नाव समजत आहे.
BITS पिलानी आणि IISc- बेंगळुरूचे विद्यार्थी असेलेले वासन यांनी स्कॉलरशीप प्राप्त करून ऑक्सफॉर्डच्या ट्रिनिटी महाविद्यालयात शिक्षण घेतले आहे. तेथून त्यांनी डॉक्टरेट ही उच्च पदवी प्राप्त केल्यानंतर त्यांनी डेंग्यू, चिकनगुनिया आणि झिकासारख्या विषाणूंवरदेखील काम केले आहे.
दरम्यान, कोरोना संसर्ग झालेल्या एका व्यक्तीकडून या विषाणूचा नमून्यापासून हा विषाणू आयसोलेट करण्यात ऑस्ट्रेलियाच्या डॉर्टी इंस्टिट्यूटच्या संशोधकांनी गेल्याच आठवड्यात यश मिळवले होते. CSIRO मध्ये या विषाणूचा विकास पाहता प्री-क्लिनिकल अभ्यासासाठी विषाणू मोठ्या संख्येने उपलब्ध व्हायला हवेत असा अनुमान काढण्यात आला आहे.
आयसोलेट करण्यात आलेला हा विषाणू आम्हाला दाखवण्यात आल्याचे CSIRO चे पॅथोजन्स चमूचे प्रमुख प्राध्यापक एस. एस. वासन यांनी टाइम्स ऑफ इंडियाशी बोलताना सांगितले. आम्ही डॉर्टी इन्स्टीट्यूटच्या आमच्या सहकाऱ्यांचे आम्ही आभार मानतो. त्यांनी आयसोलेट करण्यात आलेला विषाणू आम्हाला दाखवला आहे, असे प्राध्यापक वासन म्हणाले. खरा विषाणू असेल तर काम जलद गतीने होते आणि प्री-क्लिनिकल अभ्यास करून त्यावर लवकरच औषध तयार करण्याला मदत मिळते, असे वासन म्हणाले.
ऑस्ट्रेलियन ऍनिमल हेल्थ लॅबमध्ये माझे सहकारी देखील निदान, सर्व्हिलन्स आणि रेस्पॉन्सवर काम करत असल्याची माहिती, वासन यांनी दिली. आमची प्रयोगशाळा या विषाणूंची संख्या वाढवण्याच्या प्रयत्नात असल्याचेही वासन म्हणाले. मात्र, त्यांच्या प्रयोगशाळेत करोना विषाणूंची संख्या किती हे त्यांनी स्पष्ट केले नाही. जगभरात करोना विषाणूवर औषध तयार करण्याचे प्रयत्न सुरू असून त्यावर प्राध्यापक वासन म्हणाले की, ‘प्री-क्लिनिकल अभ्यासासाठी आवश्यक लस उपलब्ध करण्याबरोबर यामुळे आता औषध तयार करण्याच्या प्रयत्नांनाही गती मिळेल.’
ताज्या बातम्या तुमच्या मोबाईलवर मोफत मिळवण्यासाठी ”Hello News” टाईप करून 8080944419 या नंबरवर Whatsapp करा.