भोपाळ : वृत्तसंस्था – इन्स्टाग्राम झालेली मैत्री एका तरुणीला चांगलीच महागात पडली आहे. आरोपीने पीडित मुलीला हॉटेलमध्ये बोलावून कोल्ड ड्रिंकमधून गुंगीचे औषध दिले. यानंतर ती बेशुद्ध अवस्थेत असताना तिच्यासोबत मद्यधुंद अवस्थेत लैंगिक अत्याचार केले. हि घटना मध्य प्रदेशातील इंदौरमध्ये भंवरकुआं पोलीस स्टेशनच्या हद्दीमध्ये घडली आहे. पीडित मुलीची आरोपीशी इन्स्टाग्रामवरुन ओळख झाली होती. आरोपीने पीडित तरुणीला भेटायच्या बहाण्याने बोलावून गुंगीचे औषध देऊन तिच्यावर बलात्कार केला आहे. पीडित मुलगी हि अकरावीची विद्यार्थिनी आहे. यानंतर पोलिसांनी आरोपी विरोधात पॉक्सो कायद्याच्या अंतर्गत गुन्हा दाखल केला आहे.
काय आहे प्रकरण?
मध्य प्रदेशातील इंदौर शहरातील भंवरकुआं पोलीस स्टेशन परिसरात हि पीडित तरुणी राहते. ती अकरावीची विद्यार्थिनी आहे. यादरम्यान तिची विनायक गिडवानी नावाच्या तरुणाशी इन्स्टाग्राम ओळख झाली. हा आरोपी तरुण बेराठी कॉलनी या ठिकाणी राहतो. या पीडित तरुणीशी ओळख करण्याचा त्याचा हेतू वेगळाच होता.
मैत्रीच्या जाळ्यात अडकवले
आरोपीने सर्वात आधी अल्पवयीन मुलीला इन्स्टाग्रामवर मैत्रीच्या जाळ्यात अडकवले. यानंतर तिच्या मैत्रीचा फायदा घेत तिला हॉटेलमध्ये भेटायला बोलावले. याठिकाणी तिला कोल्ड ड्रिंक प्यायला दिले. या कोल्ड ड्रिंकमध्ये त्याने गुंगीचे औषध मिसळले होते. यामुळे कोल्ड ड्रिंक प्यायल्यामुळे हि तरुणी बेशुद्ध झाली. यानंतर आरोपी तरुणाने तिच्यावर बलात्कार केला. पोलिसांनी या प्रकरणात पॉक्सो कायद्यांतर्गत गुन्हा दाखल करून पुढील तपासाला सुरुवात केली आहे.